________________
मूलशुद्धिप्रकरणम्-द्वितीयो भागः
हा ! विउलपुण्णया वि हु सीयाए जं मए वि संभूया । उयरत्था अघोरं दुक्खं पत्ता उ अडवीए ॥ २५७॥ तुभेहिं दिट्ठेहिं सीया जियइ त्ति निच्छ्यं एयं । एसो य वज्जजंघो परमत्थेणं महं बंधू ॥२५८॥ ईय भणिऊणं दोण्णि वि लक्खण-रामा मणोरहसएहिं । कोसलपुरीइ परमं आणंदमहं पयट्टंति ॥२५९॥
तत्तो बिहीसणाई समत्थसुहडा भणंति पउमाभं । "सामिय ! दुक्खं चिट्ठइ जणयसुया परविएसम्म ॥ २६०॥ ता काऊण पसन्नं चित्तं आणेज्जऊ इहं सीया" । 'कह जणजणियववायं पेच्छामि तयं' भणइ रामो ॥ २६९ ॥
'जइ पुहइयलं सयलं एयं सवहेण पत्तियावेइ । तो तीइ समं वासो होहि न य अन्नभेएणं ॥ २६२॥ एवं ति खयरेहिं पडिवज्जिय मेलिओ जणो सव्वो । आवासियो य तुरियं नयरीए बाहिरुद्देसे ॥ २६३॥
मंचा कया विसाला पंच्छामिहि मंडवा मणभिरामा । तेसु य जणो निविट्ठो सवहिक्खणकंखुओ सव्वो ॥२६४॥ तो रामसमाइट्ठा सुग्गीवाई भडा खणद्धेणं । पुंडरियपुरं गंतुं सीयाभवणम्मि पविसंति ॥ २६५ ॥ काऊण य जयसद्दं सीयं पणमंति खेयरा सव्वे ।
विय ससंभमाए अहियं संभासिया तीए ॥ २६६ ॥ अह ताण निविट्ठाणं जंपइ सीया सनिंदणं वयणं । " एयं मज्झ सरीरं कयं च दुक्खासयं विहिणा ||२६७|| अंगाई इमाई मह दुज्जणवयणाणलेण दड्ढाई । खीरोयसायरस्स वि जलेण नइ निव्वुइं जंति" ॥२६८॥
२४५
अह ते भांति "सामिणि ! एयं मेल्लेहि दारुणं सोयं ।
सो पावाण वि पावा जो तुज्झ लएइ अववायं ॥ २६९ ॥
१. ला. महाबंधू ॥ २. ला. एव भणिऊण ॥। ३. ला. पवट्टंति ॥ ४. सं.वा.सु. पेच्छामिह मंडवा ॥ ५. ला. नय ।। ६. ला. तुम्ह ॥
