________________
२४०
मूलशुद्धिप्रकरणम्-द्वितीयो भागः एयम्मि य एक्कभवे दुक्खं होही उ मं मुयंतस्स । । सम्मत्त-नाण-दसणरहियस्स भवे भवे दुक्खं' ॥१९२॥ एयं चिय संदिटुं सीयाए नेहनिब्भरमणाए । संखेवेण नराहिव ? तुज्झ मए साहियं सव्वं ॥१९३॥ सामिय ! सहावभीरू अहिययरं दारुणे महारण्णे । बहुसत्तभीसणरवे जणयसुया दुक्करं जियइ" ॥१९४॥ सेणावइस्स वयणं सुणिऊणं राहवो गओ मोहं । पडिकारेण विउद्धो कुणइ पलावं बहुवियप्पं ॥१९५।। "हा हा ! दुज्जणवयणेहिं तज्जिएणं मए अणज्जेणं । मूढेणं पक्खित्ता सीया अइदारुणे रण्णे ॥१९६।। हा ! पउमपत्तनयणे ! वियसियवरपउमगब्भसमगोरे ! । हा ! गुणरयणनिहाणे ! कत्तो मग्गेमि तं इण्हि ? ॥१९७॥ हा ! सोमचंदवयणे ! वयणं मे देहि देहि वैदेहि!। जाणिसि य तुज्झ विरहे मह हिययं कायरं निच्चं ॥१९८॥ निद्दोसा वि मयच्छी ! किवाविमुक्केण उज्झियाऽसि मए । रण्णे उत्तासणए न य नज्जइं कि पि पाविहिसि ? ॥१९९॥ हरिणि व्व जूहभट्ठा छुहा-तिसावेयणापरिग्गहिया । रविकिरणसोसियंगी मरिहिसि कंते ? महारण्णे ॥२००॥ किं वा वग्घेण वणे खद्धा सीहेण जइ(अह)व घोरेणं । किं वा वि धरणिसइया अकंता मत्तहत्थीणं ? ॥२०१॥ पायवखयंकरेणं जलंतजालासहस्सपउरेणं । किं वणदवेण दड्डा सहायपरिवज्जिया कंते ? ॥२०२॥ को रयणजडीण समो होइ नरो सयलजीवलोयम्मि। - जो मज्झ पिययमाए आणइ वत्ताइ विहलाए ?" ॥२०३॥ पुच्छइ पुणो पुणो वि य परमो सेणावइं पयलियंसू । 'कह सा घोरे रण्णे धरिही पाणे जणयधूया ?' ॥२०४॥
१. ला. होही ममं मु ॥ २. सं.वा.सु. "हि पडिवयणं ॥ ३. सं.वा.सु. जइवि ॥ ४. सं.वा.सु. किं वा दवेण ॥
