________________
१४
मूलशुद्धिप्रकरणम्-द्वितीयो भाग: उद्वित्तु गओ गेहं बोलावइ सिरिययं जहा 'वच्छ ! । पिसुणपवेसो एसो संजाओ दुत्तरो अम्ह ॥६१॥ होही कुलक्खओ णे, ता मह आणं करेहि जइ तं सि । ता होइ धुवं रक्खा' सिरिओ वि ये भणइ आइसह ॥२॥ 'जइ एवं तो जइया निवस्स निवडामहं पयग्गेसुं । तइया खग्गेण तुमं मह सीसं झत्ति छिदिज्जा' ॥६३।। तो ठइय करेहि इमो सवणे जंपेइ 'संतयं पावं । .. जम्हा हु गुरू जणओ गोरव्वो देवया तं सि' ॥६४॥ तो जंपइ सगडालो 'एवमकज्जंतए कुलस्संतो । जायइ, रिउवग्गस्स य न विप्पियं तीरए काउं ॥६५॥ तोऽहं तालपुडविसं जीहाए करिय रायचलणेसुं । निवडिस्सामि तुमं पुण मयस्स मे छिदिहिसि सीसं' ॥६६॥ तो जुत्तिजुत्तयमिणं नाउं पडिवज्जियं सिरियएण । तह चेवऽणुट्ठियम्मि राया सहस त्ति संभंतो ॥६७।। "किं पुत्त ? कयमकज्जं ?' एसो वि भणइ 'वेरिओ तुम्ह । निहओ मणुस्ससामिय ! पिउणा वि न तेण मे कज्ज' ॥६८॥ तो 'निम्भिच्चो एसो' त्ति भाविठं कुणइ मयगकिच्चाई । सोगत्तो, ताणते सिरियस्स पणामए मुदं ॥६९॥ तेणोत्तं 'मे भाया महल्लओ थूलभद्दनामो त्ति । वेसाघरम्मि चिट्ठइ बारसमं वट्टए वरिसं ॥७०॥ सो वाहिप्पउ जेणं अहिगारी एत्थ जणयतुल्लो' त्ति । तत्तो निवेण सिग्धं वाहित्तो आगओ एसो ॥७॥ कहिऊण जणयमरणं समप्पिया राइणा तओ मुद्दा । जंपेइ थूलभद्दो 'आलोच्चिय देव ! गिण्हामि' ॥७२।। रण्णा भणियं 'एत्थं असोगवणियाए गच्छ चितेहि ।
सो तत्थगओ चितई 'नणु भोगा केरिसा एत्थ' ॥७३॥ १. ला. विना हु ॥ २. ला. सिरीएण ॥ ३. ला. “इ मणुभोगा ।
