________________
२२९
मूलशुद्धिप्रकरणम्-द्वितीयो भागः
तं नाउं रामेणं पुरेसु चेइयहरेसु आइट्ठो । अट्ठाहियामहो सयलरिद्धिविच्छड्डुसंजुत्तो ॥४९॥ 'वंदसु पिए ! जिणिदे' भणिया सा पयडजायरोमंचा । भत्तिभरनिब्भरंगी वंदइ नयरीए जिणबिंबे ॥५०॥ भणिया य पुणो 'सुंदरि ! वंदाविस्सामि सेसपुहइयले । कारिम-अकारिमाई जिर्णिदचंदाण भवणाई' ॥५१॥ एवं सा वीसत्था संजाया पुण्णडोहला सीया ।। एत्तो य रामपासे आगंतुं भणइ पडिहारी ॥५२॥ 'देव ! पुरीए महल्ला नीसेसमहायणेण परियरिया । चिट्ठति दारदेसे तुह दंसणउस्सुगा सव्वे' ॥५३॥ भणियं च राहवेणं 'लहुं पवेसेहि' तीए ता सव्वे । भणिया 'पविसह' ते वि हु समागया रामपासम्मि ॥५४॥ मुक्कर्मि दंसणीए भणिया रामेण 'भणह भो ! कज्जं' । भयउक्कंपिरहियया ते वि हु एवं पयंपंति ॥५५॥ 'भयभीयाणं सामिय ! न अम्ह वायो बहिं विनिक्खमइ । अभएण कुण पसायं मुक्कभया जेण विण्णविमो' ॥५६॥ रामेण वि पडिभणियं 'अभओ तुम्हाण भद्द ! सव्वेसि । पभणह जं भणियव्वं' इय भणिए ताण मज्झाओ ॥५७।। विण्णवइ विजयनामो महंतओ "सामि ! सयलनयरीए । लोओ अणज्जकज्जो परदोसग्गहणतल्लिच्छो ॥५८॥ जंपइ 'दसाणणेणं अणुरायपरव्वसेण जा भुत्ता । सा सीयारामेणं इहाऽऽणिया अहह ? न हु जुत्तं ॥५९॥ नीईए कुसलस्स उ इक्खागकुलुब्भवस्स रामस्स । नवि जुज्जइ इय काउं' एवं भणिरस्स लोगस्स ॥६०॥ सामिय ! करेहि दंडं' इय भणिए राहवो तओ सहसा ।
वज्जेण ताडिओ विवि इय चितेउं समाढत्तो ॥६१॥ १. सं.वा.सु. "म्मि बयसणम्मी भ ॥ २. ला. “या कर्हिचि नि ॥ ३. सं.वा.सु. रायस्स ।।
