________________
२२६
मूलशुद्धिप्रकरणम्-द्वितीयो भाग:
इय चिंतिऊण राया हक्कारइ राहवं ससोमित्ति । पभणइ पुत्त ! न जुत्तं तहावि पत्थिजसे एवं ॥११॥ "तुद्वेण मए दिण्णो आसि वरो केगईए सो तीए । रज्जऽभिसेओ भरहस्स मग्गिओ ता तयं वच्छ ! ॥१२॥ तस्स करिस्सामि अहं मझुवरोहेण ता तुर्म पुत्त ! । सोमित्ति-सीयसहिओ अणुमण्ण तयं" तओ रोमो ॥१३।। 'आएसो' त्ति भणित्ता लक्खण-सीयासमण्णिओ रामो । निग्गंतुं वसिमाओ पविसइ अडविं महाभीमं ॥१४॥ राया वि तओ भरहं रज्जम्मि निवेसिऊण निक्खंतो । रामो वि य अडवीए हिंडइ सच्छंदलीलाए ॥१५॥ अह अण्णया कयाई कीलंतो लक्खणो गओ दूरं । पेच्छइ कयबहुपूयं वरखग्गं चंदहासं ति ॥१६॥ तं दट्टणं कुमरो गिण्हइ कोऊहलेण अप्फुण्णो । वाहइ वंसकुडंगे पाडइ वंसाण पब्भारं ॥१७॥ तस्स य मज्झे पडियं वरकुंडलमउडभूसियं रम्मं । विज्जाहरस्स सीसं तं दटुं लक्खणो सहसा ॥१८॥ जाव निरूवइ सम्मं ता पेच्छइ उद्धबद्धनियपायं । धूमाऽऽवियणसयण्हं गयसीसं कस्स य धडं ति ॥१९॥ तं दट्टणं कुमरो निदइ बहुयं भुयाबलं निययं । 'हा हा अहो ! अकज्जं कयं मए एव' भणिऊण ॥२०॥ तो घेत्तुं तं खग्गं गंतूणं राहवस्स पासम्मि । जं जहवत्तं तं तह कहइ तओ राहवो भणइ ॥२१॥ 'कुमर ! न जुत्तं विहियं एयस्स कएण होहिई अम्हं । अइरुद्दो संगामो' जावेवं जंपए रामो ॥२२॥
१. सं.वा.सु. “ज्जए ॥ २. सं.वा.सु. पण तयंत्तरोमंवो (? तयन्तरे रामो)॥ ३. सं.वा.सु. वीरो ॥ ४. ला. तओ रज्जं भरहम्मि नि ।। ५. सं.वा.सु. सुज्जहासं ॥ ६. ला. नियसीसं धूमप्पाणसयण्हं । ७. सं.वा.सु. अह्म हि) यं ॥ ८. सं.वा.सु. करेड़तारा० ॥
तयन्तरे रामो ॥ ३. सं.वा.सु. वीरो ॥. ला
