________________
२२३
मूलशुद्धिप्रकरणम्-द्वितीयो भागः
तं नयरिं दट्टणं हलहलयं पुच्छए गयकुमारो । 'कंचुइ ! नयरीमज्झे किं एयं वट्टए अज्ज ?' ॥१८२॥ सो जंपइ "कुमर ! तए कह नवि नाओ तिलोगपयडो वि । जउकुलनहयलचंदो समुद्दविजयस्स अंगरुहो ॥१८३॥ उप्पण्णदिव्वनाणो सुरिंद-असुरिंदवंदियच्चलणो । दिप्पंतो संपत्तो अणण्णसरिसाए रिद्धीए ॥१८४॥ इह चेव समोसरिओ उज्जितमहागिरिम्मि रम्मम्मि । तस्स य वंदणहेउं जंति इमे कुमर ! हरिवसहा" ॥१८५॥ तं सोउं कुमरो वि हु जाओ रोमंचपुलइयसरीरो । नेमिजिणवंदणत्थं गओ य वररहवरारूढो ॥१८६॥ वंदित्तु जिणवरिंदं भत्तीए तदंतिगम्मि उवविट्ठो । जिणमुहनिहित्तनयणो तव्वयणं सुणइ एगमणो ॥१८७॥ भयवं कहइ य धम्मं जोयणनीहारिणीए वाणीए । तं सोउं कुमरो वि हु पडिबुद्धो जंपए एवं ॥१८८॥ 'भयवं ! अम्मापियरं आपुच्छित्ताण तुम्ह पासम्मि । घेच्छामि समणधम्म' इय भणिउं जाइ गेहम्मि ॥१८९।। महया कद्वेण तओ जणणी-जणयाइए विमोएउं । निक्खमइ जिणसमीवे महाविभूईए सो कुमरो ॥१९०॥ कण्हाइया वि सव्वे वंदित्ता नियघरेसु संपत्ता । पुच्छइ वियालसमए गयसुकुमालो वि जिणंइंदं ॥१९१॥ 'भयवं ! महामसाणे काउस्सग्गेण ठामि रयणीए ?' । अणुजाणइ भयवं पि हु गुणंतरं तस्स नाऊण ॥१९२॥ जाव ठिओ उस्सग्गे वियालवेलाए सो महासत्तो । ता सोमिलेण दिट्ठो तं दटुं चिंतए पावो ॥१९३॥ 'एएण मज्झ धूया अदिट्ठदोसा विडंबिउं मुक्का । ता सोहणपत्थावो संपइ वेरस्स निज्जवणे' ॥१९४॥
१. ला. कंचुय ॥ २. ला. वरवसभा ॥ ३. ला. आपुच्छेऊण ||
