________________
मूलशुद्धिप्रकरणम्-द्वितीयो भागः
२२१ इयरे वि महापुरिसा विहिऊण महातवं चिरं कालं । नमिउं जिणमणुनाया जउमंतनगं गया सव्वे ॥१५६।। तत्थ य पायवगमणं एवं मासं नगोवरि विहिउं । वसुदेवसुया सिद्धि मरिऊण निरंजणा पत्ता ॥१५७॥ एत्तो य देवई वि हु गिहम्मिगंतूण चितए एवं । नियसुयवियोगदुहिया वाहजलुप्पीलपुण्णऽच्छी ॥१५८॥ "धण्णा कयपुण्णाओ ताण सुलद्धं च माणुसं जम्मं । जाओ नियकुच्छिमज्झब्भवाणे लहुर्डिभरूवाणं ॥१५९॥ कमलदलकोमलेहिं करेहिं घेत्तूण दिति उल्लावे । मम्मणपयंपिराओ मम्मणवयणे भणंताणं ॥१६०॥ थणदुद्धलुद्धयाणं मुद्धडयाणं च जाणुठवियाणं । नाणाविहरामणए जाओ जंपति नेहेणं ॥१६१॥ अहयं तु पुण अहण्णा एत्तो एगयरमवि न संपण्णा" । इय चिंताए धणियं अह जाया देवई दीणा ॥१६२॥
ओलुग्गपंडुरंगी उम्मंथियनयणकमलजुयलिल्ला । नित्तेयदीणेवयणा करयलयलपल्हत्थियकवोला ॥१६३॥ अट्टज्झाणोवगया झियायमाणी उ चिट्ठए जाव । ता जणणिवंदणत्थं समागओ तत्थ महुमहणो ॥१६४॥ तं तयवत्थं दहूँ जोडिय करसंपुडो भणइ एवं । "केणं च तुम्ह आणा न कया ? साहेह मह एयं ॥१६५॥ जेण तयं पाहुणयं पेसेमि जमस्स नत्थि संदेहो । अहवा वि जं न रुइयं पुज्जइ तुम्हाण तं कहह" ॥१६६॥ इय भणिया भणइ तओ 'पुत्तय ! दीहाउओ तुम होहि । तं नत्थि जं न सिज्झइ तुह प्पभावेण मह कज्जं ॥१६७॥ किंतु न मे तुम्हाणं अणुहूयं बालचिट्ठियं तेण । । जाओ मणसंतावो" इय सुणिउं भणइ नरनाहो ॥१६८॥
१. सं.वा.सु. सिरंजणा || २. सं.वा.सु. 'ण नियर्डि' ॥ ३. सं.वा.सु. जाओ संपत्ति ने ॥ ४. सं.वा.सु. ओलग्ग ॥ ५. सं.वा.सु. णविमणा करयलतलधरियवयणिल्ला ॥ ६. ला. हरिनाहो ॥
