________________
मूलशुद्धिप्रकरणम् - द्वितीयो भागः
हरिणेगमेसिदेवो तीए जीवंतसुयनिमित्तेणं । आराहिओ तवेणं तेण य मुणिसाववित्तंतं ॥ १०४॥ नाऊण तुज्झ तणया कंसे वहणुज्जयम्मि अवहरिडं । पढमम्मि जायमेत्ता सुलसाए समप्पिया नेउं ॥ १०५॥ सुलसाए परियणस्स य हत्थगया नागसेट्ठिगेहम्मि । ते देवकुमारा इव पवड्डिया हरिकुलमियंका ॥ १०६॥ पढमो य अणीयजसो अणंतसेणो य अजियसेणो य । तह निहयसत्तुनामो देवजसो सत्तुसेणो य ॥१०७॥ भुंजंति सुरवरा इव भोए ते नागसेट्ठिगेहम्मि । एक्केक्स्स य तेसिं बत्तीसं रायकण्णाओ ॥ १०८॥ दिण्णाउ सेट्ठिणा जाइऊण रूवेण सुरवहूउ व्व । केऊर-कडय-कंठय-मणि - मेहले - हारसोहाओ ॥१०९ ॥ कीलंति ताहिं समयं पिहपिहपासायपरिगया सव्वे । अण्णोणनेहक लिया अण्णोण्णादेसकारी य ॥११०॥ एत्थंतरम्मि अहयं देवइ ! गामा -ऽऽगरेसु विहरंतो । संपत्तो तम्मि पुरे समोसढो बाहिरुज्जाणे ॥ १११॥ देवा चउव्विहा वि य समागया तत्थ मम समोसरणे । पुंडो य नरवरिंदो भद्दिलपुरसामिओ नाउं ॥ ११२॥ तं दिव्वसमोसरणं मम आगमणं च जाणिउं सहसा । पउरंतेउरसहिओ वंदणभत्तीए नीहरिओ ॥११३॥
दूराउ मुक्कजाणो भत्तीए ममंतिगम्मि संपत्तो । तत्थं ममं नमिऊणं उवविट्ठो समसिलावट्टे ॥११४॥ ते वि य जे तुज्झ सुया छ प्पि जणा नागसेट्ठिगेहाओ । पिपिहरहेहि चलिया वंदणभत्तीए मम तुरियं ॥११५॥ अवयरिऊण रहाण य दूराउ ममंतिगम्मि संपत्ता । तिपयाहिणिऊण मर्म वंदिय भूमीए उवविट्ठा ॥ ११६ ॥ १. ला. 'लजायसो' ॥ २. ला पिहुपिहुपा ॥ ३. पिपिहुर ॥ मूल. २-२८
२१७
