________________
मूलशुद्धिप्रकरणम्-द्वितीयो भागः
भद्दिलपुरम्म नयरे नागो नामेण अत्थिवरसेट्ठी । सुलसा य तस्स भज्जा छत्तणया ताण किर अम्हे ॥ ७९ ॥ अण्णोगयागारा सव्वे वि सहोयरा सरिसरूया । सव्वे वि तवं कुणिमो अण्णोण्णं साणुरागा य ॥८०॥ पिंहुपिहुसंघाडेहिं गेहम्मि समागया य तुम्हऽम्हे । न य अम्ह तए नाओ समरूवाणं इह विसेसो" ॥८१॥ सुणिऊण देवई वि य, एयं रोमंचकंचुयसरीरा । उत्थाय वंदिऊण य सुद्धन्नं देइ नेहेण ॥८२॥ सविसेसं च पलोयइ पेच्छइ सिरिवच्छअंकियसुवच्छे । नीलुप्पलदलनय कण्हसमे नियसरूवेण ॥८३॥ मेयमत्तपीलुगयगामिणे(?णो) य दट्ठूण पत्थिए दो वि । पभणइ य रोहिणि तं हरिसेणं देवई एवं ॥ ८४॥ “निसुणह जं संजायं रुहिरसुए पोलसे पुरा नयरे । अइमोत्तगो त्ति साहू समागओ अम्ह गेहम्मि ॥८५॥ तेण य मम आइट्ठ 'पहाणपुरिसस्स भारिया कण्णा । जीवंतऽसुयाण य जणणी सिविच्छ्वच्छाणं ॥८६॥ होहिसि न हु संदेहो भरहद्धमहंतसामिणी' भणिउं । उप्पइओ सो साहू तमालदलसामले गयणे ॥८७॥ जाया पहाणपुरिसस्स भारिया छस्सुया ये मम पढमं । जाया य देवयाए ते नूणं मोहिउं कंसं ॥८८॥
अवहरिडं सुलसाए समप्पिया होज्ज घाइया अन्ने । कंसेण डिंभगा किल एयं सामत्थणं मज्झ ॥८९॥
वामं च फुरइ नयणं खरंति खीरं पयोहरा दो वि । रूवेण हरिसरिच्छा तेणेए मम सुयाऽवस्सं ॥९०॥
२१५
१. सं. वा.सु. विहविहसं ॥ २. सं. वा.सु. वरमत्तपीलुवरगामिणे ॥ ३. सं.वा.सु. पोलासए ॥ ४. ला. 'याणं ज° ॥ ५. सं.वा.सु. होहि त्ति न संदेहो ॥ ६. ला. मह ॥ ७ ला एवं साहइ मणं मणं मज्झ ॥
