Page Text
________________
२०१
मूलशुद्धिप्रकरणम्-द्वितीयो भागः
गिण्हइ मुणिवरदिक्खं विहेइ तवसंजमं महाघोरं ।
कालेण गहियसिक्खो गीयत्थो भाविओ जाओ ॥५७॥
तओ कमेण संवेगाइसयाओ अणुन्नाओ गुरुणा पडिवन्नो एकल्लविहारपडिमं । विहरंतो ये पत्तो कमेण महासालं नाम नयरं, जत्थ से पुत्तो राया जाओ । भिक्खासमए य पविट्ठो तत्तो रायाइभएण नासिऊण बडुएण सह तत्थ पुव्वागयाए वज्जाए गेहं । दूराओ चेव ओलक्खिओ तीए । न नाया सा तेण । तओ नियचित्तदुट्टयाए चिंतियमणाए 'हंत ! भवियव्वं इमाओ इत्थ वि मम लाघवेणं, जओ न चिट्ठइ अयाणियमेयं मह चरियं विसेसओ एएण एत्थ चिटुंतेण, तओ निव्वासावेमि एयं केणइ उवाएंण' । चिंतिऊण भत्तमज्झे पक्खिविऊण नियसुवन्नयं पक्खित्तं साहुपत्तए । जाव पयट्टो साह ताव पुक्करियं तीए, अवि य
दे धाह धाह एसो हरिऊण सुवन्नयं महं जाइ । तं सोऊणं गहिओ साहू आरक्खियनरेहिं ॥५८॥
निरूवंतेहिं य दिटुं सुवन्नयं । सलोद्दो ति काऊण नीओ रायउलं । 'लिंगि' त्ति सवियक्के हिं साहिओ रायस्स, तेणाऽवि मीमंसाकोऊहलेहि य मंतीहिं आणाविओ नियसमीवे। आणिज्जतो य दूराओ चेव दिट्ठो धाईए, ओलक्खिऊण य 'हा ! ताय' त्ति भणंती पडिया पाएसु रोविउं समाढत्ता । तओ 'कस्स पायवडिया मम जणणी रोवइ' त्ति सवियक्को समागओ सामंतपरिखुडो राया, पुच्छियं च जहा 'अंबे ! को एस' ? तीए निवेइयं जहा 'देव ! एसो तुह जणओ कट्ठो नाम' । चिरदिटुं पि ओलक्खिऊण निवडिओ राया वि से चलणेसु । नीओ सहामंडवं । निवेसिओ सीहासणे । भयवया वि कया भवनिव्वेयजणणी धम्मदेसणा । पडिबुद्धो राया पभूयलोगो य । राइणा जाव गवेसाविया दरायारा ताव एयं वइयरं निसामिऊण पणा वज्जा । राया वि पइदिणं धम्ममायन्नयंतो जाओ जिणधम्मपरायणो । साहू वि अन्नत्थ विहरमाणो 'पच्चासन्नो पाउस'त्ति काऊण विन्नत्तो नरिंदेण, अवि य
'भयवं ! तुह प्पसायाउ पाविओ दुल्लहो इमो धम्मो । चिंतामणिरयणसमो संसारमहासमुद्दम्मि ॥५९॥ जह चिंतियनीसेसत्थसाहगो सामि ? तुज्झ विरहम्मि । लुप्पिहिई कुप्पवयणपासंडियचोरनिवहेहिं ॥६०॥
१. ला. य कमेण संपत्तो महा ॥
मूल. २-२६
| SR No. | 022287 |
| Book Title | Mulshuddhi Prakaranam Part 02 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 348 |
| Language | Sanskrit |
| Classification | Book_Devnagari |
| File Size | 23 MB |