________________
मूलशुद्धिप्रकरणम्-द्वितीयो भागः
१९९
रे जीव ! जाण कज्जे वाणिज्जं कुणसिगरुयदुहहेउं । बहुअलियं जंपंतो ताणित्थीणं इमं रूवं ॥३२॥ रे जीव ! जाण कज्जे धाउव्वायं धमेसि पइदियहं । मेलेसि मूलजाले ताणित्थीणं इमं रूवं ॥३३॥ रे जीव ! जाण कज्जे आराहसि भूय-पेय-वेयाले । महमंसविक्कएणं ताणित्थीणं इमं रूवं ॥३४॥ रे जीव ! जाण कज्जे अन्नाणि वि सहसि भीमदुक्खाइं । नाणाविहरूवाइं ताणित्थीणं इमं रूवं ॥३५॥ रे जीव ! महामोहेण मोहिओ धम्ममवि न चिंतेसि । जासु पसत्तो ताओ परपुरिसेसुं पसज्जति ॥३६॥ रे जीव ! जोण रत्तो वंचसि मित्तं सहोयरं पियरं । अइनिग्घिणाओ ताओ वज्ज व्व अणत्थपउराओ ॥३७॥ ता किं इमिणा परिचिंतिएण परिचइय ताओ नारीओ । सग्गा-ऽपवग्गसुहयं करेमि तवसंजमुज्जोयं ॥३८॥ इय चिंतिऊण सेट्ठी पभणइ र कीर ! खमसु जं बद्धो । एत्तियकालं धरिलं संपइ परिभमसु सेच्छाए' ॥३९॥ इय भणिओ सो कीरो महापसाओ त्ति ताय ? जंपंतो। पणमित्तु सिट्ठिपाए उप्पइओ न ह यलं विमलं ॥४०॥ सेट्ठी वि जाव वलिओ नियए सत्थम्मि ताव पेच्छेइ । ण्हायं कयबलिकम्मं वच्चंतं लोयसंघायं ॥४१॥ पुट्ठो य तत्थ को वि हु 'कत्थेसो जाइ जणवओ सव्वो' । तेण वि भणियं 'सुंदर ! वंदणवडियाए सूरिस्स ॥४२॥ नामेण पसंतस्स उ सुयनीरमहोदहिस्स संतस्स । तीआ-ऽणागय-परिवट्टमाणविन्नायभावस्स' ॥४३॥ तं सोऊणं कट्ठो पहिट्ठमुहपंकओ पयडपुलओ। . गंतूण तत्थ सूरि वंदइ परमेण विणएण ॥४४॥
१. सं.वा.सु. जाण कज्जे वं॥
