Page Text
________________
मूलशुद्धिप्रकरणम्-द्वितीयो भागः
कोऊहलाऊरियमाणसेण समाइट्ठा पडिहारा जहा 'भो ! सद्दावेह तं जीए पइव्वयावयं चरंतीए गायणो पंगू सीसेण वुब्भइ, पेच्छामो केरिसं गायइ ?' । आएसाणंतरमेवाऽऽणीया सा पडिहारेहिं । दूराओ चेव दट्ठूण पच्चभिजाणिऊण सन्निओ एगो पुरिसो जहा 'पुच्छाहि एयं 'तओ पुच्छिया तेण भद्दे ! किं कारणं तुममेयं पीढसप्पिणं परिव्वहसि ?' तीए वि असंभवति करिय अणोलक्खियनरनाहाए भणियं 'महाभाग ! देव - गुरूहिं एरिसो चेव मे दिन्नो भत्ता, तं च पइव्वयावयमणुचरंतीए न चइउं पारिज्जइ' तओ तारिसनारीचरियसवणजणियविम्हयभरा-वूरिज्जमाणमाणसेण भणियं नरवइणा, अवि य
'बाहवो रुधिरमापीतं, भक्षितं मांसमूरुजम् ।
भागीरथ्यां पतिः क्षिप्तः, साधु साधु पतिव्रते ? ॥ १९ ॥
तं च सोऊण 'पच्चभिन्नायाऽहमणेणं' ति लज्जाए ठिया वयणमहोमुहं काउंति ओ विण्णत्तो राया मंतीहिं 'देव ! को एस वुत्तंतो' ? राइणा भणियं 'अलमेयाए संकहाए' । मंतीहिं भणियं 'तहावि देव ! महंतमम्हाण कोउगं ता साहिज्जउ जइ अकहणीयं न भवइ' । तओ तन्निच्छयं नाऊण भणियं राइणा - जइएवं ता निसामेह - 'अत्थि कयाइ निसामियं तु भेि जहा - चंपाहिवो जियसत्तू नाम राया सुकुमालियाए देवीए सुकुमालफरिसेण अइप्प सत्तो । सीयंतयं रज्जं नाऊण तीए सह जोगमइरा पमत्तो निव्वासिओ परियणेण' । तेहिं भणियं 'देव ! समायन्निय मम्हेहिं' । राइणा भणियं 'जइ एवं तोऽहं सो जियसत्तू एसा य सा सुकुमालिया । तओ अडवीए मज्झे वच्चंताणं एसा तिसाभिभूयाइच्चाइ सव्वं सवित्थरं साहियं नरवइणा । तओ अच्चंतविम्हइया सव्वे, भणंति य 'अहो ! जहन्नत्तणमेईए जमे या एरिस पुरिसरयणं परिच्चइय एसो सव्वाहमो पंगू अंगीकओ, अहो ? विवेयवियलत्तणमेईए' । एयं च निसामिऊण 'अहो ! कहं सो चेव एसो जीविओ रज्जं च पत्तो ?' त्ति भएण थरथरंतसव्वंगा 'इत्थीणं विसज्जणं दंडो' त्ति काऊण कया निव्विसया । जं च तीए तारिसं रायाणं मोत्तूण अंगीकओ पंगू तं तीए विवेयविगलत्तणं ति [ गतं सुकुर्मालिकाकथानकम् ॥४५॥]
अधुना 'वज्राकथानकम् ।—
१९३
- [-४६. वज्राकथानकम् ]
अत्थि इव जंबुद्दीवे दीवे भारहे वासे अपरिमियगुणनिवासयं सुहावासयं नाम नयरं । तत्थ य पयईए चेव भद्दगो उचियन्नू हि या - ऽहियवियारनिउणो कट्ठो नाम सेट्ठी । तस्स य विवेयसेलवज्जासणी वज्जा नाम सहचारिणी । ताणं जम्मंतरोवज्जियपुन्नसंभारो
१. सं. वा. सु. 'मारिका ॥ २. ला. वज्राख्यानकम् ॥
मूल. २-२५
| SR No. | 022287 |
| Book Title | Mulshuddhi Prakaranam Part 02 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 348 |
| Language | Sanskrit |
| Classification | Book_Devnagari |
| File Size | 23 MB |