________________
१८२
नियरूव-कंति-जोव्वणकलाकलाविक्कमंदिरं जइ वि । कह सामण्णनरिंदो उवमिज्जइ तियसनाहस्स ॥ २२८ ॥
मूलशुद्धिप्रकरणम्-द्वितीयो भागः
मणहरजिण भवणविभूसियस्स भुवणम्मि सुप्पसिद्धस्स । न कयाइ खुद्दसेलो संकासो होइ सुरगिरिणो ॥ २२९॥
इय जइ वि तुमं कोणिय ! नियरिद्धिबलेण गव्विओ भमसि । तह वि न होसि सरिच्छो महाणुभावेहिं चक्कीहिं" ॥२३०||
एवं पि भणिओ तुरयारूढो जाहे न चिट्ठइ ताहे संजायामरिसवसेण उग्घाडियाणि पउलीकवाडाणि । तओ र्तदुम्हाए दड्ढो जओ महाचक्कवट्टीणं तुरया पिट्ठओ दुवालस जोयणाणि ओसरंति न तहा तस्स तुरओ ओसक्किउं सक्किओ । मरिऊण य उववण्णो छट्ठीए तमाहिहाणाए पुढवीए उक्कोसाऊ महानारगो । सेस राईएहिं य अहिसित्तो तस्स पुत्तो उदाई नाम रायाहिराओ त्ति ।
1
एवं जं निवकोणिय - हल्ल-विहल्लाण सोयराणं पि । जाओ नेहस्सखओ, अइदारुणवेरहेउ ति ॥२३१॥ जं चेsय - कोणियनरवराण अइनिद्धबंधवाणं पि । जाओ वेराबंधो, कालाइनरिंदखयहेऊ ॥२३२॥ अण्णा व बहुविहनरवराण अवरोप्परं सुबंधूणं । जं जाओ संगामो वरभडबहुकोडिखयजणओ ॥२३३॥ तं कारणमिह जाया देवी पउमावई महापावा । रयणाण मग्गणेणं सेसित्थीणं पि एस गई ||२३४|| पद्मावतीकथानकं समाप्तम् ॥४३॥ [ ४४. ज्वालावलीकथानकम् ]
अधुना ज्वालावलीकथानकं कथ्यते
अत्थि इहेव जंबुद्दीवे दीवे महाविदेहे वासे गंधिलावईविजए जयउरं नाम नयरं । तत्थ य जयसिरिसंकेयठाणं सिरिचंदो नाम राया । तस्स य सयलंतेउरप्पहाणा भाणुसिरी नाम देवी । सा य निरवच्चत्तणेण देइ उवाइयाई, आलिहावए मंडलाइ, करेइ ण्हवणयाई, पिय ओसहाई, लिहावए रक्खाओ, पयट्टावए मंत-तंत - जंताई, बंधावए मूलियाओ, कारावए सव्वदेवयाणं पूयाओ, किं बहुणा ?
१. सं.वा.सु. तदुहाए ॥ २. ला. संजाओ नेहखओ ॥ ३. सं.वा.सु. 'मो बहुभडखयकोडिसंजणओ ॥ ४. ला. महादेवी ॥
