________________
१७५
मूलशुद्धिप्रकरणम्-द्वितीयो भागः
तो उठ्ठिया नरिंदा गणरायाणो सरेहिं वरिसंता । पाउसकालघणा इव अंधारियसयलदिसिविवरा ॥१६७॥ तो तक्खणेण भग्गं कोणियरायस्स तंबलं सव्वं । गणराईणं तेसिं सरनियरपहारजज्जरियं ॥१६८॥ तं दट्ठणं भग्गं उठुइ सयमेव कोणियनरिंदो । गज्जतो वग्गंतो सीहो इव कुंजरघडाणं ॥१६९॥ तो तेण मयंदेण व करिजूहं पिव विलोलियं दटुं । कुविओ चेडयराया तस्स वहाए मुयइ बाणं ॥१७०।। फालियसिलं विउव्विय अवंतरे पडिहयं तयं हरिणा । न य बीयं सो मिल्लइ अभिग्गहो जेण तस्सऽत्थि ॥१७१॥ तो चेडयस्स बाणं तममोहं पडिहयं पलोएत्ता । पुण्णक्खओ त्ति मुणियं चेडयगणराइणो नट्ठा ॥१७२॥ ते नढे दट्ठणं निययबलेणं तु नयरमज्झम्मि। पविसित्तु चेडयनिवो रोहयसज्जो ठिओ झ त्ति ॥१७३।। कोणियनिवो वि नयरिं सव्वं संरोहए असंचारं । दियहे दियह य तओ संजायइ ताण संगामो ॥१७४॥ ते वि य हल्ल-विहल्ला सेयणयकरिम्मि आरुहेऊणं । रयणीए पइदियहं उक्खंदं दिति कडयम्मि ॥१७५।। पइदियहं तेहिं तओ कडगं सव्वं पि तं उवद्दवियं । न य जंति कह वि घेत्तुं सेयणयकरिट्ठिया जम्हा ॥१७६।। तो कोणिओ पयंपइ कह मारिजंति दो विमे कुमरे । . जम्हा सव्वं सेण्णं पाएणमभिदुयमिमेहिं ॥१७७॥ . . तो भणइ मंतिवग्गो देव ! न जीयंतयम्मि हथिम्मि । मारेऊणं एए सक्किजंते अइपयंडा ॥१७८॥ तो भणइ कोणियनिवो, जइ एवं तो गयं पि मारेह । ।
मा थोवयदिवसेहिं अम्हाण खयं करिस्संति ॥१७९॥ १. ला. नयरिम' || २. ला. 'हे तेसिं संजायइ गरुयसंगामो ॥ ३. ला. पि बहु उ ॥
