________________
१५०
मूलशुद्धिप्रकरणम्-द्वितीयो भागः
सरंधपुडए नीरं जहा गलइ निरंतरं । एवं निरंतरं जाइ जीवाणं पि हु जीवियं ॥१५॥ विविहोवक्कमेहिं च सूलाईहिं विणस्सए । झड त्ति ओसबिंदु व्व कुसग्गे जह वाउणा ॥१६॥ धणं चउप्पयाईयं खणद्धेणं न दीसए । छाहियाखे डुए चेव जहा गय-हयादओ ॥१७॥ एसा वि विविहा रिद्धी, खणदिट्ठविणस्सरा । गंधव्वनगरायारा, पेच्छंताणं विणस्सए ॥१८॥ भारियाओ सुरूवाओ मोहणीओ जमेण उ । विणासिज्जंति वारण, सिहाओ दीवयस्स व ॥१९॥ सद्दाई भोगरिद्धीओ, दिट्ठनट्ठाउ तक्खणं । सनीरमेहखंडे व्व, विज्जुलाओ व्व सव्वया ॥२०॥ ता न कज्जं ममेएण, पावसंतावकारिणा । सुंदरेणाऽवि रज्जेण, केसाऽऽयासविहाइणा ॥२१॥ गुणचंद-बालचंदाण, कुमारण इमं तओ । दाउं करेमि पव्वज्जं, सव्वदुक्खविमोक्खणी" ॥२२॥
एवं च चिंतिऊण भणिया पियदंसणा जहा-अम्मो । पडिच्छसु कुमाराण रज्जं जेण अहिसिंचिऊण गुणचंदं रज्जे, बालचंदं च जुवरज्जे करेमि अप्पणा पव्वज्जा-तवसंजमाइयं अणुट्ठाणं ति । पियदंसणाए वि 'एएण चेव एवं रज्ज' ति मण्णमाणीए जंपियं जह-पुत्त ! बाला कुमारा असमत्था रज्जपरिपालणम्मि, तुमए उ पव्वज्जते सव्वहा विणस्सए रज्जं ता तुमं चेव परिपालेहि, तुमए य रायाणए मह कुमाराण रज्जं चेव, ता सव्वहा न तुमए पुणो वि एरिसं मंतेयव्वं । तओ सागरचंदो अणिच्छमाणो वि रज्जविणासभएण अहिसित्तो मंतिसामंतेहिं रज्जे । जाओ य महारायाहिराओ । अणुरत्तपयइसामंतो य पालए रज्जं । अण्णया य महाविभूईए निग्गच्छंतमागच्छंतं च सागरचंदं महारायं दट्ठण 'पच्छाबुद्धि महिल' ति काऊण चिंतियं पियदंसणाए, अवि य
"अहह ! कह मंदभग्गाए पावकम्माए एरिसं विहियं । गेहम्मि कामधेणू दंडेण हया पविसमाणी ॥२३॥ १. ला. जीवाओ वि हु ॥ २. ला. 'वसंभारका || ३. ला. 'तमइग' ॥ .
