Page Text
________________
१०५
मूलशुद्धिप्रकरणम्-द्वितीयो भागः
तओ पविट्ठो महाविभूईए कंपिल्लपुरे । साहियं पुव्वचक्कवट्टिकमेण छक्खंडं पि भरहं। निव्वत्तिओ दुवालससंवच्छरिओ रज्जाभिसेओ । तओ चउसट्ठिसहस्संतेउरमज्झगओ पुव्वनियाणोवलद्ध थीरयणो उदारे चक्कवट्टिभोगे भुंजिउं पवत्तो ।
अण्णया कयाइ पवत्ते निब्भरे पिच्छणयकीलारसे उग्घाडिऊण करंडयं एगाए दासचेडीए अणेगसुय-मयणसालिगा-कोइलाइभत्तिचित्तो समप्पिओ एगो राइणो पुष्फदामगंडूसओ तं च दट्ठण चिंतिउं पवत्तो राया कहिं मण्णे एरिसओ मए दिट्ठपुव्वो त्ति । ईहापोहमग्गणगवेसणं करेमाणो संजायपुव्विल्लपंचाईसरणो देवलोगे मए एरिसो दिट्ठपुव्वो' त्ति समुप्पण्णहिययसंघट्टो मुच्छावसेण निवडिओ सीहासणाओ वाउदाणाइणा समासासिओ परियणेणे सत्थो चिंतिउं पवत्तो-अहो ! किमेयाए महरिद्धीए जइ सो मे सहोयरो न मिलइ ? ता तस्स वियाणणत्थमुवायं चिंतेमि त्ति । भावितेण ओलंबियं इमं सिलोगधं, अपि च
__ अश्व-दासौ मृगौ हंसौ, मातङ्गावमरौ तथा ।१५७। । पू० ।
भणियं च जो इमं सिलोगस्स अद्धं पूरेइ तस्साऽहं रज्जस्स अद्धं देमि । तेण य लोभेण सव्वो वि लोगो पढिउमाढत्तो।।
इओ य सो चित्तजीवो देवलोगाओ चविऊण पुरिमतालपुरे समुप्पण्णो महेब्भस्स पुत्तो । जोव्वणत्थो य सूरिसयासे देवलोगवण्णणं धम्मदेसणं समायण्णिऊण समुप्पण्णजाइस्सरणो संजायचरणपरिणामो पव्वइओ । विहरमाणो य एगल्लविहारपडिमा पडिवण्णो समागओ तत्थ । ठिओ य उज्जाणे काउस्सग्गेण । सोऊण य उज्जाणपालयारघट्टिएण पढिज्जमाणं तं सिलोगद्धं 'किमेयं पढसि ?' त्ति पुच्छियं । साहियं चाऽणेण जहावट्ठियं । साहुणा भणियं-जइ एवं तो एयं पढसु रण्णो सयासे गंतूणं, अपि च___ एषा नौ षष्ठिका जातिरन्योन्याभ्यां वियुक्तयोः ॥१५७॥ । उ० ।
पढियं च तेण गंतूणं । राइणा भणियं -भद्द ! फुडं साहिज्जसु, किमेयं तए पूरियं ? तेण भणियं-देव ! न मए किंतु मह उज्जाणत्थेण साहुणा । तओ दाऊण किंचि तस्स उचियं गओ नरवई साहुवंदणत्थं । वंदिऊण य भावसारं निसण्णो तयंतिए । तओ आसीसादाणपुव्वयं भणियं साहुणा
नाऊणं संसारं असारयं नरवरिंद ! कुण धम्मं । नीसेसपमायं वज्जिऊण दुहनिवहसंजणयं ॥१५८॥ धम्मम्मि जो पमायं महमोहविमोहिओ नरो कुणइ । सो राय ! भमइ नूणं संसारे दुहसयावत्ते ॥१५९॥
१. सं.वा.सु. “जाइस्स दे ॥ २. ला. ण भणियं इमं ॥ ३. ला. 'गद्धं पू ॥ मूल. २-१४
| SR No. | 022287 |
| Book Title | Mulshuddhi Prakaranam Part 02 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 348 |
| Language | Sanskrit |
| Classification | Book_Devnagari |
| File Size | 23 MB |