________________
सुलसाख्यानकम्
जिणभद्द-वीरभद्दाइयाई, नामाइँ कुमारहँ ठावियाई, तो पंचधाइपरिपालिया उ, हुय अट्ठवरिस सुहलालिया उ, संवद्धमाण कमसो कुमार, संजाय कलागमपार सार, बत्तीस वि धम्मकलावियड्ढ संपुन्नसुजोव्वण-गुणगणड्ड, बत्तीस वि दारियवइरिवार, सोहग्गोहामियसुरकुमार, बत्तीस वि जिणमुणिविहियपूय, नियरूवविणिज्जियमयणरूव(य), बत्तीस वि समवय सेणियस्स, उस्सप्पिणिभाविजिणेसरस्स, बत्तीस वि अइपिय नरवरस्स, दरियारिकरिंदमयाहिवस्स, बत्तीस वि माणुम्माणजुत्त, वरलक्खणवंजणसंपउत्त, बत्तीस वि बंधवकुमुयचंद, आणंदियकामिणिलोयवंद, बत्तीस वि सरलसहावसत्थ, जीवाइवियाणियनवपयत्थ, बत्तीस वि ते कुलबालियाओ, परिणाविय गुणगणमालियाओ, अह ताहँ ललंतहँ, मुंह माणंतहँ, जाइ कालु निरुवद्दवहं ।। नियगेहिँ वसंतहँ, निरु निच्चंतहँ, जह व सग्गि दोगुंदुयहं ।।७।।
(८) एतो य अत्थि नयरी विसाल, वेसाली नाम सुसालसाल तं पालइ चेडउ नरवरिंदु, निकंदुक्कंदियवैरिविंदु, तसु अत्थि दोन्नि वर नंदणाओ, अभिहाणेण जेट्ठा-चेल्लणाओ, उत्तुंगपीणसुपओहराओ, नियरूवोहामियअच्छराओ, जीवाइपयत्थवियक्खणाओ, जिणसासणरत्त सुदंसणाओ, पंडित्तगव्वभरउद्धराओ, सिंगारफारतणुबंधुराओ,
अह अन्नदियहि सुपसंतियाहं, अंतेउरमज्झि रमंतियाहं, कुंडिय-तिडंड-भिसियाविहत्थ, नियसासणनायसमत्थसत्थ, पव्वाई एक्क सुजिन्नकाय, तहिँ कन्नतेउरि संपयाय,
सा कहइ ताहँ नियसोयधम्मु, जो बालह जो भावइ सुटु रम्मु, १. ला० ०वैरि० ॥ २. सं० वा० सु० 'यविंद ॥ ३. ला० सुह ॥ ४. ला० हं गलइ का ॥ ५. सं० वा० सु० तणुगब्वियाओ॥ ६. सं० वा० सु० हत्थु, नियसासणवाय' || ७. सं० वा० सु० सांपराय ||
