Page Text
________________
सविवरणे मूलशुद्धि प्रकरणे दुईतेहिदिएहऽप्पा उप्पहं हीरए बला । दुइंतेहिं तुरंगेहिं सारही वा महाहवे ॥२४१॥ इंदिएहिं सुदंतेहिं न संसरइगोयरं । विधेएहिं तुरंगेहिं सारही वा वि संजुगे ॥२४२ ॥ पुव्वं मणं जिणित्ता णं चरे विसयगोयरं । विवेगगयमारूढो सूरो वा गहियाउहो ॥२४३॥ जित्ता मणं कसाए य जो सम्म कुणई तवं । संदिप्पए स सुद्धप्पा अग्गी वा हविसा हुए ।।२४४।। सम्मत्तनिरयं वीरं दंतकोहं जियंदियं । देवा वि तं णमंसन्ति मोक्खे चेव परायणं ।।२४५।। आणं जिणिंदभणियं सव्वं सव्वण्णुगामिणीं । सम्मं जीवाभिणंदन्ता मुच्चंती सव्वबंधणा ।।२४६ ।। वीयमोहस्स दंतस्स धीमओ भासियं जए । जे जरा णाभिणंदंति ते धुवं दुक्खभागिणो ।।२४७।। जेऽभिणंदंति भावेण जिणाणं तेसि सव्वहा । कल्लाणाई सुहाइं च रिद्धीओ वि न दुल्लहा ।।२४८।। इय भणिऊणं जाए तुण्हिक्के तक्खणं जिणवरम्मि । परिसा कयंजलिउडाधणियं संवेगमावण्णा।।२४९॥ धरणिणमिउत्तमंगा इच्छामो सासणं'ति जंपती । उन्नामियमुहकमलापुणो वि निययं गया ठाणं ।।२५०। तत्थ य केइ पवण्णा सम्मत्तं, देसविरइवयमण्णे । अण्णे उ चत्तसंगा जाया समणा समियपावा ।।२५१।। इत्थंतरम्मिरण्णा दिट्ठा देवी तर्हि समोसरणे । जाया य तस्स चिंता 'हंत! कुओ इत्थ देवि ?' त्ति । २५२। सरियंचमंतसिद्धस्स तेणतंपुव्वमंतियं वयणं । परिचिंतियं चएयंपुच्छामि जिणं ति, किंबहुणा? ।२५३। 'किंउणमए कयंपरभवम्मि जस्सेरिसोविवागो? ति।भगवं! देवीसंगमजणियंसुहमासिमहमउलं ।२५४। पुल्विं, पच्छा य तओतीए विरहम्मि दारुणं दुक्खं । अणुभूयमणन्नसमंणारगदुक्खस्स सारिच्छं ?' ।२५५। इयपुच्छिओ जिणिंदोकहिऊणं पुव्ववण्णियं चरियं । पभणइ जं निव! तइयासबरभवे वट्टमाणेण।२५६। विच्छोइयाइँ बहुसो रणे हरिणाइयाण जुगलाई । देवीए वि य अणुमन्नियाइँ तक्कम्मसेसमिणं ।।२५७।। बहु अणुहूयं णरगे, मणुस्सजम्मे विखुद्दजाईए । संपइ खवियं कम्मंणरिद ! तुह पुव्वभवजणियं ।२५८। जं पुण सुहं विसिटुं सुसाहुभत्तीऍ तं फलमसेसं । जम्हा सुसाहुभत्ती करेइ नीसेसकल्लाणं ।।२५९।। सग्गाऽपवग्गसंगमसंसग्गपवत्तगा इमा चेव । न य अन्नं वरतरयं विजइ एईऍ जियलोए ।।२६०।। तम्हा जुज्जइ काउं तत्थेव य उज्जमो बुहजणाणं । ताकुण पयत्तमउलंसुसाहुभत्तीऍ णरणाह!' ।।२६१ । तं जिणवयणं सोउं, पुव्विल्लं सुमरिऊण तो जाई । मुच्छाविरमे जंपइ एवमिणं णाह! सव्वं ति ।।२६२। निविण्णकामभोगो संपइ काऊण रज्जपरिसुत्थं । गहिऊण समणलिंग तुह पासे पव्वइस्सामि' ।।२६३। देवीपमुहजणेणं एवं चिय जंपियं तओ भगवं । जंपइ ‘मा पडिबंधं कुणह अणिच्चम्मि संसारे' ।।२६४ । वंदित्तु जिणवरिंद, गिहम्मि गंतूण जिट्ठउत्तस्स । रज्जाभिसेयमउलं करेइ जसवम्मणामस्स ।।२६५ ।।
१. ला० धीरं ॥ २. ला० जिइंदिः ॥ ३. सं० वा० सु० णंदित्ता ॥ ४. ला० य ॥ ५. ला० 'द तं पुव्व।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |