Page Text
________________
शिखरसेनकथानकम्
गोयरगयाओं धणियं सद्धावंताइ तह य एयाइं । तुम्हाण वंदणत्थं भत्तीऍ इहाऽऽगयाइं' ति ॥१३॥ गणिणीऍ तओभणियं 'साहु कयं धम्मनिहियचित्ताई । जंइत्थ आगयाइं किच्चमिणं भव्वपाणीणं ॥९४। जम्हा जयम्मि सरणं धम्मं मोतूण णत्थि जीवाणं । सारीर-माणसेहि य दुक्खेहि अभिट्ठयाण फुडं ॥९५। ण य सो तीरइ काउं जहट्ठिओ वज्जिऊण मणुयत्तं । तं पुण चलं असारं सुमिणय-मायंदजालसमं ॥९६। मणुयत्तं लद्धृण वि धम्मं न करंति जे विसयलुद्धा । दहिऊण चंदणं ते करेंति इंगालवाणिजं ॥९७॥ धम्मेण सव्वभावा सुहावहा हुँति जीवलोगम्मि । धम्मेण सासयसुहं लब्भइ अचिरेण सिद्धिपयं' ।।९८। इय सोऊणं तेहिं पडिवन्नो सुद्धभावजुत्तेहिं । धम्मो जिणपन्नत्तो कया इ जहसत्तिओ विरई ।।९९।। गमिऊणकंचिवेलंगणिणिंतह साहुणीऑणमिऊण ।गेहम्मिपत्थियाई,णवरंगणिणीऍभणियाइं। १०० ‘एजह इह पइदिवसं, एवं चिय तह सुणिजह य धम्मं । दुक्खविरेयणभूयं पन्नत्तं वीयरागेहि' ।।१०१।। पडिवज्जिऊण य तओगणिणीवयणं गयाणि णियगेहं। हिट्ठहिययाणिधणियं धम्मम्मि कयाणुरागाई।१०२। कयवयदिवसेसु तहा जायाई तिव्वभत्तिजुत्ताई । उक्किट्ठसावगाई विसयसुहणियत्तचित्ताई ।।१०३।। अणुपालिऊण पवरं सावगधम्मं अहाऽऽउयं जाव । मरिऊण बंभलोगे दुण्णि विजायाइँ वरदेवा ।१०४। भोत्तूण तत्थ सोक्खं पवरं सत्ताहियाइँ अयराइं । तत्तो य सबरजीवो चइउं इह जंबुदीवम्मि ।।१०५।। भरहम्मि समुप्पन्नो मिहिलाणगरीऍ कित्तिवम्मस्स । रन्नो सिरिकंताए देवीए कुच्छिमज्झम्मि । १०६। दिठ्ठो य तीऍ सुमिणे सीहकिसोरो मुहेण उयरम्मि । पविसंतो लीलाए ससज्झसा उठ्ठिया तत्तो ।१०७। गंतूण णिवसमीवे कयंजली साहए तयं सुमिणं । सोऊण तयं राया कयंबकुसुमं व कंटइओ ।।१०८।।
परिभावियसुमिणत्थो पभणइ अह नरवरो तई देविं ।
हरिसखलियक्खराए कोइलअइकोमलगिराए ॥१०९॥ 'देवि! तुह दरियनरवरकरिकरडवियारणेगखरणहरो । पुहवीएँ एगवीरो होही णरकेसरी पुत्तो' ।।११०। तंणरवइणो वयणं तहेव बहुमन्निऊण सा देवी । परिवहइ तयं गब्भं पूरियसुपसत्थडोहलया ।।१११ ।। अह अन्नया कयाई कमेण पत्ते पसूइसमयम्मि । देवकुमारसरिच्छं पसवइ वरदारगं देवी ।।११२।। वद्धाविओ य राया पियंगुलइयाइ दासचेडीए । तीए य पीइदाणं दाउ निवो धोवए सीसं ।।११३।। तयणंतरं रण्णो आएसेणं समत्थरजम्मि । जायं वद्धावणयं उब्भियजुय-मुसल-धय-चक्कं ।।११४।।
अवि य
१. ला० 'माणसेहिं दु ।। २. ला० न इमो ती ।। ३. ला० 'माइंद' ।। ४. ला० य ।। ५. ला० दियहं ।। ६. ला० "याइँ ।। ७. ला कंइवयदिणेसु ताई जाया० ।। ८. ला० वरतियसा ॥९. ला० दिट्ठो तीए सु० ॥ १०. ला० उट्ठिउं तत्तो ॥११. ला० तयं ॥ १२. ला० कलकोइलकोमलगिराए ।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |