Page Text
________________
सविवरणे मूलशुद्धि प्रकरणे
मुच्चंतसव्वबंदयं, वजंत तूररुंदयं । णच्चंतणारिसत्थयं, हीरंतसीसवत्थयं ।।११५।। गिजंतमंगलोहयं, किजंतहट्टसोहयं । घोलंतकंचुईयणं, लोटुंतखुजवामणं ।।११६।। वण्णेतभट्ट-बंदिणं, दिजंतहत्थिसंदणं । तुटुंततारहारयं सामंततोसकारयं ।।११७।। दिजंतभूरिदाणयं, पिजंतचारुपाणयं । भुजंतचित्तभोज्जयं, दीसंतणेगच्चोज्जयं ।।११८।।
आवेतअक्खवत्तयं, पूएजमाणपत्तयं । उन्भेजमाणछत्तयं, माणेजमाणखत्तियं ।।११९।। खिप्पंतसीसअक्खयं, कीरंतबालरक्खयं । उप्पन्नसत्तुदुक्खयं संजायमित्तसोक्खयं ।।१२०।। वद्धावणगमहसवमणुहवमाणस्स राइणो एवं । संपुनो अह मासो कमसो य मणोरहसएहिं ।।१२१ ।। काऊणं उवयारंरण्णासुहि-सयण-बंधुवग्णस्स । सोहणदिणम्मिणामं तस्स कयं विजयवम्मोत्ति।१२२। पंचहिँधावीहिँ तओलालिजंतो कमेणसंजाओ।किंचूणअट्ठवरिसो, कलाओअहगाहिओतत्तो।१२३। सव्वकलासंपण्णं मयरद्धयरायरायभवणम्मि । वर्दृतं अहिणवजोव्वणम्मि णाऊण राएणं ।।१२४ ।। उत्तमकुलुब्भवाणं उब्भडलावण्णवण्णजुत्ताणं । णवजोव्वणोद्धराणं रइरसजलभरियसरसीणं ।।१२५। सव्वकलाकुसलाणं सिंगारागार-चारुवेसाणं । बत्तीसण्हं वरकन्नगाण गिहाविओ पाणिं ।।१२६ ।। एत्तो य एत्थ भरहे धरणीविलयाएँ तिलयसंकासं । अत्थि पुरं सुपयासं सुहवासंणाम बहुसासं १२७।
तत्थ निहयारिपक्खो अणहक्खो बहुजणाण कयरखो ।
सव्वकलागमदक्खो अत्थि णिवो णाम विमलक्खो ॥१२८।। तस्स गुणाणं णिलया विलयालीलाएँ तुलियतेलुक्का । कमलदलदीहणयणा देवी कमलावईणाम ।१२९। तीसे गन्भम्मि तओ देवो चइऊण बंभलोगाओ । सो सिरिमईएँ जीवो धूयत्ताए समुप्पन्नो ।।१३०।। पेच्छइ य चंदलेहं देवी णियअंकसंठियं सुविणे । साहइ पइस्स, तेण वि धूयाजम्मो समाइट्टो ।।१३१ । संपूरियदोहलया कमसो पत्ते पसूइसमयम्मि । सोहणदिणम्मि देवी पसवइ वरबालियं हिट्ठा ।।१३२।। वत्ते बारसमदिणे सम्माणेत्ता णियल्लए णामं । सुमिणाणुसारउ च्चिय कुणइ णिवो चंदवम्मत्ति ।।१३३।। पंचहिँ धावीहिँ तओलालेजंती कमेण संजाया । किंचूणअट्ठवरिसा, कला गिण्हाविया तत्तो ।१३४। अह अन्नया कयाई सव्वालंकारभूसिया बाला । पिउणो उच्छंगगया चिट्ठइ णाणाविणोएहिं ।।१३५ ।। निव्वण्णिऊण तीए रूवं राया विसज्जिउं कन्नं । चिंताउरो पयंपइ मइसागरमंतिमुद्दिसिउं ।।१३६।। 'को वण्णिउंसमत्थो ? मंति ! इमंकन्नगंजओएसा । विंझाडइव्वसुगया, बंभणजीहव्वसत्थिरया।१३७/
१. ला० तप्पिजमा' ।। २. ला० खत्तयं ॥ ३. ला० 'यरायसोम्खयं ॥ ति ॥ ४. ला० लापत्तटुं मय' ।। ५. ला० °ण्णपुण्णाणं ।। ६. सं० वा० सु० 'यरासीणं ।। ७. सं० वा० सु० साणं ॥ ८. ला० सुमिणे ॥ ९. सं० वा० सु० धूयाएसो ॥ १०. सं० वा० सु० °यदेहलया ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |