Mulshuddhi Prakaranam Part 01

SR No.: 022286
Original Sutra Author: N/A
Author: Dharmdhurandharsuri, Amrutlal Bhojak
Publisher: Shrutnidhi
Publication Year: 2002
Total Pages: 326
Language: Sanskrit
Classification: Book_Devnagari
File Size: 26 MB

Page 73

सविवरणे मूलशुद्धि प्रकरणे जे जे पहाणजोहा ते सव्वे सिरिबलं समल्लीणा । अब्भुवगओ तहा वि हु समरमियंकेण संगामो ॥७०॥ संजा संगामे महाविमद्देण सिरिबलेण तओ । निहओ समरमियंको विणिहयनियसेण्णसेसेण ॥ ७१ ॥ रुद्दज्झाणेण तओ मरिऊणं भीसणम्मि नरगम्मि । सत्तरससागराऊ उववण्णो णारगत्तेण ॥ ७२ ॥ सोऊण कंतमरणं असोगदेवी वि विरहसोग़त्ता । मुच्छावसेण धणियं धस त्ति धरणीयले पडिया ॥ ७३ ॥ आसासिया समाणी रुद्दज्झाणेण घोरपावकरं । महमोहमोहियमणा णियाणमेवंविहं कुइ ॥७४॥ 'राया समरमियंको उप्पन्नो णवर जत्थ ठाणम्मि । तत्थेव मंदभग्गा अहं पि जाइज्ज नियमेण ॥७५॥ तो जल यिदेहं किलिट्ठचित्ता दहेवि मरिऊण । जत्थेव णिवो णरगे इमा वि तत्थेव उववण्णा ॥७६ ॥ सत्तरससागराइं निच्चुव्विग्गेहि परमदुहिएहिं । कारुण्णजंपिरेहिं भीएहिं कहव गमियाई ॥ ७७ ॥ उव्वट्टेऊण णिवो णरगाओ पुक्खरद्धभरहम्मि । जाओ गहवइपुत्तो वेण्णाऍ दरिद्दगेहम्मि ॥ ७८ ॥
विजया तत्थेव य भारहम्मि वासम्मि । जाया दरिद्दधूया तस्सेव समाणजाईए ॥ ७९ ॥
ओ दोन वि उद्दामं जोव्वणं उवगयाइं । जाओ अ ताण तत्थ वि वीवाहो विहिणि ओगेण । ८० पुव्वभवब्भासेणं धणियं अण्णोण्णबद्धरागाई । दारिद्ददुक्खविमुहाइँ ताइँ चिट्ठति सुक्खेणं ॥ ८१ ॥ अह अन्नया कयाई ताणं गेहंगणम्मि पत्ताओ । समणीओ गुणजुयाओ भिक्खट्ठा हिंडमाणीओ ॥ ८२ ॥ दहूण तओ तेहिं फाय- एसणियभत्त-पाणेहिं । पडिलाहियाओ विहिणा हरिसवसुभिन्नपुलएहिं । ८३ । 'कत्थ ट्ठियाओं तुब्मे ?' एवं पुट्ठाहि ताहिँ पडिभणियं । वसुसिट्ठिघरसमीवे उवस्सए तस्स पडिबद्धे तो मज्झण्हे ताइं गयाइं परिवढमाणसद्धाई । दिट्ठा य तत्थ गणिणी सुपसन्ना सुव्वया णाम ॥ ८५ ॥ पुरओ संठियपोत्थयनिविट्ठदिट्ठी णमंततणुणाला । लोयणभमरभरोणयसुवयणकमला कमलिणि व्व ॥ ८६ ॥
५०
वित्थिण्णमहत्थाइं ठियाइँ एगारसं पि अंगाई । कमलदलकोमलम्मि वि जीसे जीहाइ अग्गम्मि ॥८७॥ सा वंदिया य तेहिं विम्हयउप्फुल्ललोयणजुगेहिं । भक्तिभरणिब्भरेहिं रोमंचच्चइयगत्तेहिं ॥८८॥ तीइ वि धवलपडंतरविणिग्गउत्ताणिएगकरकमलं । अद्धुण्णामियवयणाऍ भाणियं धम्मलाहो ति ॥ ८९ ॥ वंदेत्तु सेसियाओ वि साहुणीओ पुणो वि गणिणीए । वंदेत्तु पायकमलं नच्चासण्णे णिविट्ठाई ॥ ९० ॥ गणिणीऍ तओ भणियं निम्मलपरिणितदसणकिरणाए ।
'परिवसह कत्थ तुब्भे ?' 'इहेव' अह जंपियं तेहिं ॥९१॥
गोयरगयाइ जीए दिट्ठाई साहुणीऍ तो ताए । भणियं 'अज्जेवऽम्हे वसहिं पुट्ठाओं एएहिं ॥९२॥
१. ला० उव्वट्टिऊण य निवो ।। २. ला० सुपसंता ।। ३. सं० वा० सु० लोयणकमलभरो ।। ४. सं० वा० सु० रोमंचच्च ||