Mulshuddhi Prakaranam Part 01

SR No.: 022286
Original Sutra Author: N/A
Author: Dharmdhurandharsuri, Amrutlal Bhojak
Publisher: Shrutnidhi
Publication Year: 2002
Total Pages: 326
Language: Sanskrit
Classification: Book_Devnagari
File Size: 26 MB

Page 70

शिखरसेनकथानकम्
तत्राऽप्याख्यानकमाख्यायते—
४७
[६. शिखरसेनकथानकम् |
अत्थि इहेव गिरिवरो जंबूदीवम्मि भारहे वासे । विंझो त्ति सिहरसंचयपज्जलियम होसहिसणाहो । १ । दरियगयदलियपरिणयहरिचंदणसुरहिपसरियामोओ । फलफुल्लतरुवरट्ठियविहंगगणगरुयसद्दालो ।२। निज्झरझरंतझंकारसद्दपडिउन्नदसदिसिर्विभागो । णाणाविहसावयसयभमंततलमेहलाभोगो ॥ ३ ॥ तत्थऽत्थि सबरणाहो विक्खाओ सिहरसेणनामों ति । बहुसत्तहणणनिरओधणियं विसएसु आसत्तो ।४ देवी वि तस्स सिरिमइणामा णवजौव्वणुद्धुरा अस्थि । वक्कलदुगुल्लवसणा गुंजाहलमाइआहरणा ॥५॥ तीएँ समं विसयसुहं सो भुंजइ गिरिनिउंजदेसेसु । विच्छोअइ बहुगाई सारंगाईण जुगलाई ॥६॥ सिरिमइदेवी वि तओ दडुं विच्छोइयाइँ जुगलाई । हरिसभरनिब्भरंगी कंपंतपओहरा हसइ ॥७॥ अह अन्नया कयाई संतावियधरणिमंडलो गिम्हो । कुनरिंदो इव पत्तो पीडंतो सयलसत्तोहं ॥८ ॥ जयकोट्ठयमज्झत्थो अयगोलय इव पयंडपवणेण । जत्थ धमिज्जइ सूरो नीसेसजणाण दाहक ॥९॥ परिसडइ पत्तनियरो कलिकालम्मि व जयम्मि रुक्खाणं । उत्तणयइत्थिया इव वियसइ अहमल्लिया नवरं दरआयंबिरसुमणसभिउडियणयणाओं पाडलाओ वि । जायाओ रोसेण व निएवि जयतावणं गिम्हं । ११ । कुसुमसमिद्धिविहीणे दडूण व बहुतरू सिरीसा वि । निययपसूणसिरीए हिरीऍ सुयणोव्व सामलिया । १२ जयसंतावकरीओं लुयाओ वायंति अग्गिजाल व्व । दज्झइ णीसेसजणो खरतरविकिरणणियरेण ॥१३॥ दडुं जयसंतावं खलु व्व तोसेण वड्ढिया दिवसा । झिज्जंति जामिणीओ सुयण व्व परावयं दडुं । ।१४।। पिज्जंति पाणियाइं पुणो पुणो सुसियकंठउट्ठेहिं । सेयजलाविलगत्ता खेज्जंति णिरंतरं सत्ता ।। १५ ।। पाऊण पवासु पयं घम्मत्ता जत्थ पहियसंघाया । छायासु वीसमंता हा हा हा ह ! त्ति जंपंति ।।१६।। हरिणक-हार - हम्मयल- वियण - किसलय - जलद्दजलनिलया । चंदणविलेवणाईणि जत्थ जायंति अमयं व ।।१७।।
एवंविहे णिदाहे सिरिमइदेवीऍ संजुओ राया । निज्झरण-वणगुहासुं वियरइ सच्छंदलीलाए ।। १८ ।। एत्थंतरम्मि एगो गच्छो साहूण पहपरिब्भट्ठो । परिखीणो हिंडतो समागओ तत्थ देसम्म ।।१९।। दट्टूण तयं राया अणुकंपाएं मणम्मि चिंतेइ । 'हा ! किं भमंति एए अइविसमे विज्झकंतारे ?' ।।२० ॥ गंतूण तओ पुट्ठा रण्णा 'किं भमह इत्थ रन्नम्मि ?' । साहूहिँ तओ भणियं 'सावग ! पंथाओं पब्भट्ठा' । २१ । १. ला० 'रियंदण' ॥ २. ला० फलपुप्फतरु ॥ ३. ला० 'विहाओ ॥ ४. ला० 'तघायणओ ॥ ५. सं० वा० सु० जोव्वणोव्वरा ॥ ६. ला० दाहयरो ॥ ७. ला० सुयण व्व ॥ ८. सं० वा० सु० लूया वायंति ॥ ९. ला० जलं ॥
1