Page Text
________________
सविवरणे मूलशुद्धि प्रकरणे
जं तइया जिणभत्ती तुमए विहिया अणण्णसारिच्छा । तं पत्तं रज्जमिणं समत्थसंसारसुहजणगं । । १८५ ।। जं छत्तत्तयमउलं दिण्णं तुमए जिणिंदनाहस्स । तं छत्तच्छायाए भद्दे ! परिभमसि निच्चं पि ।।१८६ ।। जं तइया रच्छाइं पूयंगाई बहुप्पगाराई । दिन्नाइं तं तुज्झं जायाई भोगअंगाई ।।१८७।।
1
इय जिणभत्तीऍ फलं जायं, देवत्तणम्मि वरसोक्खं । इहयं तु रज्जसोक्खं, कमसो सिद्धिं पि पाविहसि । १८८ । इय सुणिउं सा सहसा मुच्छावसणट्ठगरुयचेयण्णा । पडिया धस त्ति धरणीयलम्मि सव्वाण पच्चक्खं । १८९ । पवणाईदाणेणं खणेण आसासिया परियणेणं । पणमेत्तु सूरिचलणे विन्नवइ परेण विणणं । । १९० ।। ‘जं एयं तुब्भेहिं कहियं णाऊण दिव्वणाणेण । तं संपइ पच्चक्खं संजायं जाइसरणाओ ।।१९१।। तं तुम्हाणं वयणं सोउं देडुं च णिययचरियं च । इण्हिं भववासाओ सामि ! विरतं महं चेत्तं ।।१९२ ।। ता जाव मुयावेमिं णरणाहं ताव तुम्ह पयमूले । भवसयदुहनिद्दलेणं पव्वज्जमहं गहिस्सामि' ।।१९३।। इय वयणं देवीए सोऊणं भणइ णरवरिंदो वि । ' एवंविहं पि गाउं भगवं ! को रमइ संसारे ? ।।१९४ । जा अहिसिंचार्मि अहं देविसुयं मलयसुंदरं रज्जे । ता तुम्हाण समीवे अहं पि घेच्छामि पव्वज्जं ' ॥१९५॥ भगवं पि भइ 'भो ! भो ! मा पडिबंधं करेस्सह खणं पि । दब्भग्गलग्गजलबिंदुचंचले जीवलोगम्मि' ॥ १९६ ॥
एवं ति भाणिऊणं राया देवी इ दो वि गंतूणं । निययगिहे रज्जम्मी अहिसिंचंती तयं कुमरं । । १९७ ।। अहिसिंचिऊण कुमरं रज्जे, तत्तो महाविभूईए । दोहि वि गहिया दिक्खा बहुपरिवारेहिँ गुरुमूले । । १९८ । गिण्हित्तु दुविहसेक्खं गीयत्थाइं कमेण जायाइं । नियपयपवत्तिणित्ते ठवियाई दो वि ते गुरुणा । । १९९ ।। संबोहिऊण भविए, पज्जंते अणसणं विहेऊण । दो वि गयाई सग्गं तत्तो वि कमेण चविऊण । । २०० ।। मणुयत्त - सुरत्ताइं कमेण सिवसंपयं लहिस्संति । एयं जिणभत्तीए अणण्णसरिसं फलं होई । । २०१ । ।
४६
[ आरामसोहाकहाणगं सम्मत्तं । ५. ]
साहू व भत्ती कल्लाणपरंपरं लहड़ जीवो । तह सम्मत्तं सुद्धं जायइ णत्थित्थ संदेहो ।। ३८ ।।
१. सं० वा० सु० भमिसि ।। २. सं० वा० सु० इं अंगभोगाई ।। ३. ला० इहई ।। ४. ला० क्खं जायं महजाइस' ॥ ५. ला० दट्ठूण नियय' ।। ६. ला० 'लणिं ।। ७. ला० इय देवीए वयणं ।। ८. ला० 'मि लहुं दे ॥ ९. ला०य ।। १०. सं० वा० सु० देइ ॥ ११. ला० आरामशोभाकथानकं समाप्तम् ॥ १२. ला० तह सुद्धं सम्मत्तं ।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |