Page Text
________________
आरामशोभाकथानकम् इय निच्छयं विहेउं वारितस्सावि तस्स सेहिस्स । उवविट्ठा जिण वणे सासणदेविं मणे काउं ।।१६१ ।। तो तइयम्मि दिणम्मी रयणीए झत्ति होइ पच्चक्खा । सासणदेवी तीए, जंपइ‘मा कुणसुतं खेयं ।।१६२॥ अजं पभायकाले पुणण्णवो होहिई इमो मलओ। पडणीयवंतरोवद्दवाउ तुह सत्तिओ मुक्को ।।१६३।। इय भणिऊणं देवी सट्टाणं झत्ति उवगया जाव । ताव विहाया रयणी, तिमिररिऊ उग्गओ सहसा।।१६४।। कहियाइ रयणिवत्ता सव्वा सेट्ठिस्स ताव एसो वि । हरिसुप्फुल्लियणयणोगओ तयं जिणहरारामं ॥१६५। अप्पुव्वपत्त-फल-फुल्लरेहिरं सजलमेहसमवण्णं । तं दद्दूणं तुरियं समागओ तीऍ पासम्मि ।।१६६ ।। पभणइ य पुत्ति! पुन्ना मणोरहा मज्झ तुह पभावेणं । ता उट्ठ वच्च गेहं पारणयं कुण गुणविसाले ! ।१६७/ इय भणिऊणं सेट्ठी समत्थसिरिसमणसंघसंजुत्तो । तूरणिणाएण तयं णेइ गिह लोगपच्चक्खं ।।१६८।। जंपइ यतओ लोगो पेच्छह एयाएँ सीलमाहप्पं । तहसुक्को विखणेणंआरामो कह पुणण्णविओ! ।१६९ ता एसा कयउन्ना धन्ना सहलं च जीवियमिमीए । सन्निज्झं तियसा वि हु जीए एवं पकुव्वंति ।।१७०।। अहवाइमो विधण्णो सेट्ठीणामेणमाणिभद्दो त्ति । चिंतामणिव्व एसाजस्सघरेणिवसएसययं'।१७१। एवं सयलजणेणं वण्णिजंती गिहम्मि संपत्ता । पडिलाहिउं चउब्विहसंघं तो कुणइ पारणयं ।।१७२।। अह अन्नया कयाई रयणीए पच्छिमम्मि जामम्मि । सुत्तविउद्धा चिंतइ सरिऊणं पुव्ववुत्तंतं ।।१७३।। ते धन्ना इत्थ जए जे सव्वं पयहिऊण विसयसुहं । पव्वइउं निस्संगा करेंति तवसंजमोजोयं ।।१७४।। 'अहयं तु पुण अधन्नालुद्धा जा इत्थ विसयसोक्खम्मि । न य पावाएँ तयं पिहुपत्तीए विसंपडइ।१७५। इत्तियमित्तेण पुणो धन्ना जं पावियं जिणिंदाणं । धम्म अणण्णसरिसं भवन्नवुत्तारणतरंडं ।।१७६।। ता एयं लभ्रूणं जुत्तं मह सव्वविरइसामण्णं । घेत्तुं जे, किंतु अहं असमत्था तविहाणम्मि ।।१७७।। ता उगं तवचरणं करेमि नियगेहसंठिया अहयं' । इय चिंतिउं पहाए, आढवइ तमेव काउं जे ।।१७८ । जाव तवसुसियदेहाजाया ताकुणइ अणसणं विहिणा । कालं काऊण तओ सोहम्मे सुरवरोजाया।१७९। चइऊण तओ एसा बंभणदुहिया तुमं समुप्पन्ना । विज्जुप्पह त्ति णामं जाया दुहभायाणं किंचि ।।१८०।। सेट्ठी विमाणिभद्दो देवो होउं तओ चुओ पढमं । पुणरवि मणुओ होउंणागकुमारो इमो जाओ ।१८१ । मिच्छत्तमोहियाए पिउगेहठियाएँ किंचिजं विहियं । पावं तस्स विवागो जाओ दुहकारणं पढमं ।१८२ ।। जं माणिभद्दगेहट्ठियाएँ विहियं तए सुकयकम्मं । तस्स पभावेणेमं अणण्णसरिसं सुहं पत्तं ।।१८३।। जंतइया जिणमंदिरमलओतुमए पुणण्णवो विहिओ । तं एस देवदिण्णो तए समंभमइआरामो ।।१८४।
१. ला० °भवणे ।। २. ला० "रिवू ।। ३. ला० य ।। ४. ला० दळूण तुरियतुरियं ।। ५. ला० पुत्त ।। ६. 'जे' पादपूरणे ।। ७. ला० न समत्था ।। ८. ला० गिहिधम्मसंठिया ।। ९. सं० वा० सु० जाओ । १०. ला० 'वेण इमं ।।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |