Page Text
________________
आरामशोभाकथानकम्
४३
सणियं सणियं ओसक्किऊण अन्त्रेण चेव मग्गेणं । भिक्खाए लज्जंतो तं मोतुं झत्ति वोलीणो । १२४ ।। अह उग्गयम्मि सूरे उट्ठइ एसा अपेच्छिउं कंतं । जाणइ मुक्का अहयं संबलयमपेच्छमाणीए ।। १२५ ।। चिंतइ हियएण तओ 'ण सुट्टु मह सामिएण परिविहियं । एगागिणी जमेत्थं मुक्का गेहाओं णीणेउं ॥ १२६ ॥
हा ! हा ! अलज्ज ! णिक्किव ! एवं णवजोव्वणम्मि वट्टंतिं । मं मोतुं णियवयणं अज्ज ! भण कस्स दाविहिसि ? ॥ १२७ ॥ नवजुव्वणम्मि वालय ! जइ हं अन्त्रेण कहवि घिप्पानि । ता तुज्झ कुले निद्दय ! होही वइणिज्जयं एयं ॥ १२८ ॥
अहवा किमिणा परितप्पिएण ? रक्खेमि ताव नियसीलं । किंचि समासइऊणं वाणियगं जणयसामण्णं ॥ १२९ ॥
पिउगेहे वि गया मज्झ अउन्नाइ आयरो णत्थि । ता इत्थेव ठिया हं कम्माईयं करेस्सामि' ॥१३०॥ इय चिंतिऊण तो सा हियए धीरत्तणं विहेऊणं । पविसइ णगरीमज्झे आलोयंती दस दिसाओ ॥१३१॥ तो एत्थ गिम्मिं भद्दागारं नियेइ सा पुरिसं । पाएसु निवडिऊणं विण्णवइ मणोहरसरेणं ॥१३२॥ 'ताय ! मह होहि सरणं एत्थ अणाहाइ दीणविमणाए । जेणमणाहा णारी पावइ वइणेज्जयं णियमा । १३३| ( ग्रन्थाग्रम् १००० ) चंपापुरीऍ अहयं धूया उ कुलंधरस्स सेट्ठिस्स । सत्थाओ परिभट्ठा वच्चंती चोडविससु ॥ १३४ ॥ सह भत्तुणा णिएणं एत्तियभूमिं कमेण संपत्ता । इण्हिं तु तुमं जणगो होहि महं दुक्खतविया ' ॥१३५॥ तो तीऍ वयणविणयाइएण परिरंजिओ इमं भणइ । सो माणिभद्दसेट्ठी 'वच्छे ! तं मज्झ धूय त्ति ।१३६ अच्छसु जह नियपिउणो गेहे तह इत्थ मज्झ गेहम्मि । सत्थगवेसणमाई सव्वं पि अहं करेस्सामि' ।१३७। इय भँणिय निययपुरिस पट्ठविया तेण माणिभद्देण । Do य उवलद्धा कत्थ वि इमेहिँ सत्थस्स वत्ता वि १३८
तेहिँ कहियम्मि, सेट्ठी चिंतइ हियएण सुड्डु संसइओ । 'किं एयाए वयणं सच्चमसच्चं ? परिक्खेमि' । १३९ इयेचिंतिऊण तेणं चंपाए पुरवरीऍ णियपुरिसो । सेट्ठिकुलंधर पासे पट्ठविओ जाणणाहेउं ॥ १४० ॥ तेण वि गंतूण तहिं पुट्ठो सो 'अत्थि तुज्झ कइ धूया ? | परिणाविया उ कत्थ व ? कहसु जओ माणिभद्देण ॥ १४१ । ।
पट्टविओहं तुम सह संबंधं विहेउकामेण' । सो भणइ 'मज्झ धूयाओं अट्ठ, इह चेव नगरीए ।।१४२ ॥ १. ला० वयणि ॥ २. ला० अवलोयंती ॥ ३. ला० निएवि ॥ ४. ला० सयम्मि ॥ ५. ला० ० एहिं परि० ॥ ६. सं०वा०सु० इमो ॥ ७. ला० भणिउं नियपु० ॥ ८. एतच्चिह्नान्तर्वर्ती पाठः सं० वा० सु० प्रतिषु नास्ति । ।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |