Mulshuddhi Prakaranam Part 01

SR No.: 022286
Original Sutra Author: N/A
Author: Dharmdhurandharsuri, Amrutlal Bhojak
Publisher: Shrutnidhi
Publication Year: 2002
Total Pages: 326
Language: Sanskrit
Classification: Book_Devnagari
File Size: 26 MB

Page 63

सविवरणे मूलशुद्धि प्रकरणे तं बंभणं निव्विसयं, तं पि से भारियं लयकन्नोडनासियं काऊण नीसारेह मम देसाओ' । एयं च समायण्णिऊण चलणेसु निवडिऊण पुणो वि विण्णत्तो राया, अवि य
जइंखाइकहविसुणहो ताकिंसोचेवखज्जइपुणो वि? ।इयनाऊणंएएदेव! विसज्जेहममजणए ।।६१॥ जेण कएणं महई पीडा चित्तस्स देव ! अम्हाण । हेवइ तयं परिवजह जणयाणं दंडकरणं ति ।।६२।। एवं भणिओराया भणइ पिए! जेण तुज्झ मणपीडा। होइ तयं गरुयं पिहुकजं अम्हेहिँ परिचत्तं ॥६३॥
___एवं च ताण पंचप्पयारमणिंदियविसयसुहमणुहवंताणं वच्चए कालो । अन्नया य राय-देवीणं एगओवविठ्ठाणं किंचि धम्मवियारं कुणमाणाणं जाओ संलावो, अवि यजंपइ देवी एवं ‘आईए नाह ! दुक्खिया अहयं । होऊणं पुण पच्छा समत्थसुहभायणं जाया ।।६४।। ता केणं कम्मेणं एयं ? पुच्छामि एइ जइ को वि । इहई दिव्वन्नाणी अम्हाणं पुण्णजोएणं' ।।६५।। भणइ निवो 'जइ एवं समत्थउज्जाणपालए देवि! निजेमि अहं जेणं कहंति मह आगयं नाणिं' ॥६६॥ इय जा निव-देवीणं खणमेत्तं वट्टए समुल्लावो । उज्जाणपालओ ता पप्फुल्लमुहो समायाओ ।६७।। भूलुलियसीसकमलो पणमित्ता विण्णवेइ ‘देव! जहा । चंदणवणउजाणे समोसढो दिव्वनाणधरो ।६८॥ करकलियविमलमुत्ताहलं वजोमुणइसयलतेलोक्कं। तीआ-ऽणागय-परिवट्टमाणभावेहिँ अणवरयं।६९ नामेण वीरचंदो साहूण सएहिँ पंचहिँ समग्गो। नर-विजाहर-सुरपहुवंदियचलणो वरमुणिंदो ॥७०। तं सोऊणं राया भत्तिवसोल्लसियबहलरोमंचो । भणइ ‘पिए ! संपण्णा अजेव मणोरहा तुज्झ ।।७१ ।। तो उठेहि लहुं चिय पिएँ ! पगुणा होसुजेण वच्चामो । सूरिस्स वंदणत्थं, पुच्छामो संसयं तह य' ७२। इय भणिया सा देवी संवूढा झत्ति, तो निवो तीए । समयं चिय संपत्तो उज्जाणं तक्खणेणेव ।।७३ ।। दिट्ठो य तत्थ सूरी बहुविहपरिसाएँ मज्झयारम्मि । देसंतो जिणधम्मं समत्थजीवाण सुहजणयं ।।७४ ॥ तो सूरिपायपंकयपणामपुव्वं समम्मि भूमितले । उवविट्ठाई दोण्णि वि नऽच्चासन्नम्मि सूरिस्स ।।७५।। भयवं पि विसेसेणं पत्थावइ धम्मदेसणं तत्तो । जह-इत्थं संसारे अणोरपारम्मि भममाणा ।।७६ ।। कह कहवि माणुसत्तं जीवापावंति कम्मविवरेण । तत्थ वि विविहं सोक्खं जायइ सुकरण धम्मेण ७७॥ जाई कुलमारोगं रिद्धी सोहग्गमोत्तमा भोगा । रूवं बलं जसो वि य भवंति सुकरण धम्मेण ।।७८ ।। इट्ठजणसंपओगो आणाकारी य परियणो सव्वो । अन्नं पि सुहं सव्वं जायइ सुकरण धम्मेण ।।७९।। सग्गंगणासणाहो पहाणभोगोवसाहणे(गो) सग्गो । नीसेसकेसमुक्को मोक्खो वि य होइ धम्मेणं ।।८०॥
१. ला० होइ ।। २. सं० वा० सु० पडिव' ।। ३. ला० तु ।। ४. ला० एगट्ठाणोववि' ।। ५. सं० वा० सु० तो ।। ६. ज्ञापयामि ।। ७. सं० वा० सु० सुरवहु ॥ ८. ला० तं खणेणेव ॥ ९. इत आरभ्य गाथात्रिकं ला. प्रतौ नोपलभ्यते ॥