Page Text
________________
आरामशोभाकथानकम् 'नणं वइससं किं पि 'संभाविज्जई' । तओ बीयदिणे वि तह च्चेव दळूण, तइयरयणीए तीए पसुत्ताए राया गहियकरालकरवालो ठिओ संकोइयंगो दीवयच्छायाहेछओ । खणंतरेण य आगया आरामसोहा । तं च दणं नरवइणा चिंतियं ‘एसा सा मह प्पियपणइणी, इमा का वि अण्णा, ता न याणामि किमेत्थ परमत्थं' ति चिंतयंतस्स सव्वं पुव्वविहियविहिं काऊण गया एसा । राया वि अणेगवियप्पाउलमाणसो पसुत्तो । पभाए अ भणिया सा जहा 'अज्ज तए निच्छएण आरामो आणियव्वो' त्ति । तं च सोऊण अच्वंतं विदाणा एसा । चउत्थराईए वि जाव सव्वं काऊण नियत्तइ ताव गहिया करयले नरनाहेणेसा, भणिया य ‘आ पिये ! किमेवं सब्भावसिणेहरसनिब्भरं भं विप्पयारेसि' । तीए भणियं 'नाह ! न विप्पयारेमि किंतु किंचि कारणमत्थि' । राइणा भणियं 'किं कारणं तं ?' । तीए जंपियं 'कल्लं कहेहामि, संपयं पुण विसजेहिं ।राइणा भणियं 'किं को वि बालो वि अमयं हत्थगयं विमुंचइ ?' । तीए भणियं 'नाह ! एवं कज्जमाणे तुज्झमवि महंतो पच्छायावो भविस्सई' । रण्णा लवियं 'जइ एवं ता कहेहि ताव कारणं' । सा वि जाव मूलाओ आरब्भ जणणीदुन्विलसियं कहेइ, ताव संजाओ अरुणुग्गमो । एत्थंतरम्मि य जाव ल्हसियकसकलावबंधणत्थं समारेइ ताव तड त्ति निवडिओ केसकलावाओ मयगविसहरो । तं च दद्रूण 'हा ताय' ति सखेयं भणमाणी मुच्छाए निवडिया धरणिवढे । तओ रण्णा वाउदाणाइणा समासासिऊण भणिया एसा 'पिए ! किं कारणं एवमच्चतमप्पाणयं खेयसि?' । तीए भणियं 'नाह ! जो सो नागकुमारो देवो मह सन्निझं कुणंतो तेणाहमेवं भणिया आसि ‘मे जइ अणणुण्णाया अरुणुग्गमं जाव अन्नत्थ चिट्ठिहिसि तेओ मए सह एत्तियं चेव ते दंसणं, मयगनियरूवदंसणं च एत्थ पच्चओ' तमेयं तुन्भेहिं अविसज्जियाए संजायं' ति । तओ ठिआ तत्थेव सा । पभाए य रण्णा कोवमुवगएण बंधाविया इयरी, कसं च घेत्तूण जाव ताडेइ ताव चलणेसु निवडिऊण विण्णविओ आरामसोहाए, अवि यदेव!जइमज्झउवरिंसपसाओतामुयाहिमे भगिणिं ।पुव्वंवपेच्छसुतहामहउवरिंकरियकारुण्णं ।५८॥ भणइ निवो देवि ! इमं न हुजुत्तं एरिसं कुणंतीए । एयाए पावाए, तह विन लंघेमि तुह वयणं' ।।५९।। छोडेत्तु सा वि धरिया नियपासे चेव भगिणिबुद्धीए । अह सुयण-दुजणाणं विसेसमिव दंसयंतीए ।६०। __तओ सद्दाविऊण नियपुरिसा आइट्ठा राइणा 'अरे फेडेत्ता दुवालस वि गामाणि लहुं करेह
१. सं० वा० सु० करयलकरवालो ॥ २. ला० अच्चत्थं ॥ ३. ला० “ए य जाव ॥ ४. ला० रण्णा जंपियं 'किं कोइ बालो ।। ५. ला. जंपियं ।। ६. ला० तुज्झ वि मज्झ वि महंतो ।। ७. ला० भणियं ।। ८. ला० केसपासाओ ।। ९. सं० वा० सु० तं दटूण ।। १०. ला० आसि 'जइ मए अण' ।। ११. ला० तो।। १२. ला० तमेवं तुम्हेहिं ।। १३. ला० अय(व) रा ।। १४. ला० विण्णत्तमाराम' ।। वा० विण्णविओ(य) माराम' ।। १५. ला० छडे (डे)त्तु ।।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |