Page Text
________________
३४
सविवरणे मूलशुद्धि प्रकरणे परिणीया सा । पुव्वनामं परावत्तिऊण कयं अन्ननामं, अवि यजम्हा इमीएँ उवरिं रेहइ बहुतरुवरेहिँ रमणिजो ।आरामो तेण इमा नामेणाऽऽरामसोह त्ति ॥२२॥
तओ राया ‘संपयं एस मे ससुरओ भणिऊण नजिहि त्ति लजमाणो दाऊण दुवालस वरगामाणि पयट्ठो अग्गओहुत्तं । निवेसिया करिवरस्सुवरि आरामसोहा । ठिओ य तदुवरि चेव समाइऊण आरामो । एवं च परिहिट्टतुट्ठो वच्चए राया । अवि यतीए लंभेण णिवो सकयत्थं जीवियं ति मन्नेइ । अहवा को वररयणं लडुं न य तोसमुव्वहइ ? ॥२३॥ तीऍ वयणावलोयणवावडचित्तो पहम्मि सो जाई । अहवा सुंदरगम्मी खुप्पइ दिट्ठी किमच्छेरं? ॥२४॥ इक्वं रूवाइजुया, बीयं पुण देवयापरिग्गहिया । मोहेइ जं नरिंदं किमित्थ अच्छेरयं भणह ? ॥२५॥
तओ जाव पत्ताणि कमेण पाडलिपुत्तं ताव समाइट्ट राइणा, अवि यकारेह हट्टसोहं, उच्छल्लह गुड्डियाउ सव्वत्थ । मंचाइमंचकलियं सव्वं वि य पुरवरं कुणह ॥२६॥ किं बहुणा ? सविसेसं अजं सव्वं पि कुणह सामगिं । जेण पविसामि नयरे देवीएँ समं विभूईए ॥२७॥ संपाडियम्मि सव्वम्मि सासणे राइणो पुरजणेण । पविसइ ठाणे ठाणे कयकोउयमंगलो राया ।।२८।। पविसंतम्मि नरिदे कोऊहलपूरिओ जणो सव्वो । एइ निव-देविदंसणसमूसुओ नियगिहेहिंतो ।।२९।। पुरिसा वण्णंति निवं, देविं पुणवण्णयंति इत्थीओ । तत्थ भणइ कोइ जुवा कयपुण्णो एस नरनाहो।३० जेणेयं थीरयणं निज्जियतियलोयजुवइलाइण्णं । पत्तं महप्पहावं खाणी संसारसुक्खाणं' ।।३१।। वुड्डो को वि पयंपइ ‘पुव्वज्जियधम्मपरिणई एसा । ता तं चेव करेमो जेणऽनभवम्मि इय होमो' ॥३२॥ बालो विजंपइ इमंदळूणफलाइँ करिवरस्सुवरिं । अहह अहो विविहफलाअम्हे कहपाविमो एए?'1३३॥ जंपइकाविहुनारी हला! हला!पेच्छ अइसओईए' ।बीयाएसाभणिया देवपभावोइमोसव्वो' । ३४॥ अण्णाएँ पुणो भणियं पेच्छसु एयाएँ रूवसंपत्ती' । बीयाएं समुल्लवियं 'वत्थाभरणेहिँ नणु रूवं' ।३५॥ अण्णाइ पुणो भणियं ‘एस च्चिय जयउ जीवलोगम्मि। जा नरवइणा सद्धिं एक्कासणसंठिया जाई'।३६। इयरीऍ समुल्लवियं कहएयं वण्णसे तुमं सुयणु! ।अजालोयाण समक्खं निवसहिआलज्जए नेय ?|३७ । अन्ना का विपयंपइ पेच्छ हले! कोउयं अइमहंतं । करिवरस्स उवरिंआरामोसुटुरमणिज्जो' ।।३८।। बीया पयंपइ तओ 'न एयमम्हाण कोउगं किं पि । जं देवयाणुभावेण होइ एयारिसं सव्वं' ।।३९।।
इय विविहजंपिरस्स उ जणस्स मझेण सो निवो पत्तो । नियभुवणम्मि विसाले उत्तरइ गयाओं तीइ समं ।।४०।।
१. सं० वा० सु० ओ तदु ॥ २. ला० व कमेण पत्राणि पाडौं ॥ ३. ला० लावण्णं ।। ४. ला० करिनाहस्सुवरि ॥ ५. ला० यभवण ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |