Mulshuddhi Prakaranam Part 01

SR No.: 022286
Original Sutra Author: N/A
Author: Dharmdhurandharsuri, Amrutlal Bhojak
Publisher: Shrutnidhi
Publication Year: 2002
Total Pages: 326
Language: Sanskrit
Classification: Book_Devnagari
File Size: 26 MB

Page 50

भीम-महाभीमयोः कथानकम्
( ४. भीम-महाभीमयो: कथानकम् ) ___ अत्थि गयणतलविलग्गदुग्गसिहरसयसंकुलो नाणादुमसंडमंडियनियंबुद्देसो संचरंतभीसणसावयकुलमेहलातडविभागो बहुगुहानिवसंतसबरसंघाओ परिपेरंतभमंतवणहत्थिजूहो महानइनम्मयापवाहुप्पत्तिभूमी निज्झरणझरंतझंकारबहिरियदिसावलयो वन्नरबुक्कारपउरो सिहिगणकेक्कारव-कोइलाकुलकोलाहलमुहलो विज्झो नाम पव्वओ । तस्स य विसमाहोभागनिविट्ठा अत्थि वंसकलंकी नाम चोरपल्ली । तीए य समत्थचोराहिवा भीम-महाभीमाहिहाणा दुवे भायरो परिवसंति । ते य सम्मद्दिट्ठिणो वि अविरया पाणिवहाइपसत्ता पायं चोरियाए चेव वित्तिं कप्पेमाणा विहरंति । अन्नया य सत्थेणं सह अणिययविहारेणं विहरमाणो चंदो व्व सोमयाए, सूरो व्व तवतेयदित्तीए, धरणीतलं व खंतीए, जलहि व्व गंभीरयाए, सुरसेलो व्व थिरयाए, गयणतलं व निरालंबयाए, मेहो व्व दुहसंतावतवियभव्वसत्तसंतावावहारयाए, सुरगुरु व्व बुद्धीए तक्कालवट्टमाणसुयसागरपारगामी परोवगारकरणेक्कतल्लिच्छचित्तो, किं बहुणा ? जिणधम्मो व्व मुत्तिमंतो सुसाहुजणपरिवुडो समागओ तं पल्लिप्पएस धम्मघोसो नाम सूरी । एत्थंतरस्मि य
आवरियं गयणयलं तमालदलसामलेहिं जलएहिं । अइगज्जियसदेणं फुट्टइ व नहंगणं सहसा ॥१॥ विजू य चमकंती, पीवरधाराहि निवडए सलिलं । पूरागया नईओ, चिक्खल्लचिलिच्चिला मग्गा ॥२॥ जलपुन्ना संगाहा, भमंति इंदोयगाइबहुजीवा । किं बहुणा ? संजाया उब्भिन्ननवंकुरा धरणी ॥३॥
तं च तारिसं पाउससिरिमवलोइऊण भणिया गुरुणा साहुणो जहा संपयं गच्छंताणमसंजमो, ता गवेसह इत्थेव पल्लीए पाउसकरणनिमित्तं वसहि' । तओ ‘इच्छं'ति भणिऊण पविट्ठा तत्थ पल्लीए । पुच्छिओ मज्झत्थवओ कोइ जहा 'अत्थि इत्थ कोइ जो अम्हाण उवस्सयं देइ ?' तेण भणियं ‘वच्चह इत्थ गेहे पल्लीवईण समीवं, ते तुम्ह भत्ता । तओ पविट्ठा तत्थ गेहे साहुणो । दिट्ठा य तेहिं । तओ 'अहो ! असंकप्पिओ गेहंगणे कप्पडुमुग्गमो, अचिंतिओ चिंतामणिसंगमो, अकामियं कामधेणुसमागमणं, अप्पत्थिया कामघडसंपत्ति' त्ति चिंतेता हरिसुप्फुल्ललोयणापडिया पाएसु । भणियं च ‘आइसह जमम्हेहिं कायव्वं ?' । साहूहिं भणियं जहा 'पेसिया अम्हे गुरुणा चाउम्मसिकरणजोगोवस्सयगवेसणनिमित्तं, ता किमत्थि कोइ उवस्सओ ?' । तओ 'अणुग्गहो' त्ति भणमाणेहिं दंसिओ जइजणास पाउग्गो उवस्सओ । समागया य सूरिणो । संभासिऊण सेज्जायरे ठिआ तत्थ नियधम्मजोगपरायणा । ते य पल्लिनाहा तब्भत्तिसंजुत्ता गमिति कालं । अवि य–
१. ला० रझरं ॥ २. ला० पाणव' ॥ ३. सं० वा० सु० “वद्धमा ॥ ४. ला० उ ॥ ५. ला० ओ य म ॥ ६. ला० णमुव ॥ ७. भक्तौ उपासकावित्यर्थः ॥ ८. सं० वा० सु० "प्पियगे ॥ ९. ला० 'म्मासक ॥ १०. ला० 'णपाओग्गो । ११. सं० वा० सु० ते पल्लि ॥