________________
सविवरणे मूलशुद्धि प्रकरणे जियदुज्जयमयरद्धयसुहड ! महामोहमल्लबलहरण ! । करकलियविमलमुत्ताहलं व परिकलियतेलोक्क ॥११५।। दुट्ठठ्ठकम्मतरुकढिणगंठिनिट्ठवणनिट्ठरकुठार ! । .... तियलोयतिलय ! नमिमो जिणिंद ! पयपंकयं तुम्ह ॥११६॥ माणस-सारीरियदुहसहस्ससंपीडियाण सयकालं ।
कुणसु पसायं सामिय ! सिवसुहसंपायणेणऽम्ह ॥११७॥ एवं थोऊण जिणं, भत्तिब्भरनिब्भरो तओ सक्को । नियठाणे उवविट्ठो, धम्मं सोउं समाढत्तो ॥११८॥ तंपेच्छिऊण राया चिंतइ संवेगमागओधणियं । 'सुटुअणेणं धम्मो कओजओ एरिस विभूई ॥११९॥
धिसि धिसि अलज्जिरेणं अलियं गव्वं समुव्वहंतेण ।।
तिण-तूलसयासाओं वि धणियं लहुईकओ अप्पा ॥१२०।। एयस्स य रिद्धीए महरिद्धीए य अंतरंगरुयं । ता कह अयाणुएणं अहियं आयासिओ अप्पा? ॥१२१॥ एवंविहाणि अवमाणणाणि दीसंति जत्थ संसारे । ता पज्जतं तेणं, करेमि तवसंजमोजोयं' ॥१२२॥
एयं विचिंतिऊणं, वंदित्ता जिणवरस्स पयकमलं ।
पभणइ ‘जइ हं जोग्गो ता देजउ मज्झ मुणिदिक्खा' ॥१२३॥ संवेगरंगमउलं जाणित्ता तस्स तक्खणं चेव । भगवं पि देइ दिक्खं मुणिगणसंसेवियमुयारं ॥१२४॥ दट्ठण गहियदिक्खं इंदो भत्तीइ वंदिउं भणइ । 'नत्थि मह एस सत्ती, विजिओ हं संपयं तुमए' ॥१२५॥ पन्नासरहसहस्सा सत्त य पमयासयाइँ चइऊण । काऊण तवं घोरं दसण्णभद्दो गओ मुक्खं ॥१२६॥ सो वि हु मेहरपुत्तो दटुं नरनाहसंतियं चरियं । संवेगभावियप्पा पव्वइओ जिणसगासम्मि ॥१२७॥ तत्थ यगयग्गपयनगें सिरिअज्जमहागिरीहिँ सूरीहिँ । तित्थे परमपवित्तेणिसग्गसुभभावसंजणणे।१२८ वंदेत्तु चेइयाई वित्थिन्नसिलायले सुरमणीए । उत्तमसत्ताऽऽइण्णं पायवगमणं कयं तेहिं ॥१२९॥ पत्ता य देवलोगं, एवं किल दव्वतित्थसंसेवा । दसणसुद्धिनिमित्तं सूरीही महागिरीहिँ कया ॥१३०॥
[आर्यमहागिरिकथानकं समाप्तम् । ३.] भावतीर्थनिषेवायां भीम-महाभीमावुदाहरणम् । तत्र च सम्प्रदाय:
१. ला० 'ल्लनिद्दलण! ॥ २. ला० तइलो ॥ ३. ला० एवं ॥ ४. ला० संजणगे ॥ ५. ला० यां तु भी ॥ ६. ला० तत्र सम्प्र ||
