Page Text
________________
२९
आर्यमहागिरिकथानकम् अत्र च द्रव्यतीर्थनिषेवायामार्यमहागिरय उदाहरणम् । तथा च
[३.आर्यमहागिरिकथानकम्] सिरिथूलभद्दसामिस्स दोणि सीसा महायसा जाया । दसपुव्वधराधीरा गुणगणकलिया जुगपहाणा ।११ पढमो अज्जमहागिरिसूरी सम्मत्त-णाण-चरणटो । बीओ अज्जसुहत्थी तत्तुल्लगुणो तदणुसेवी ।२। वोच्छिन्ने जिणकप्पे पडिकम्मं तस्स महगिरी कुणइ । अज्जसुहत्थिस्स गणं दाऊणं गच्छपडिबद्धो ।३। अह अनया कयाई अजसुहत्थी गओ विहरमाणो । पाडलिउत्तम्मि.पुरे ठिओ य पवरम्मि उजाणे ।४। वसुभूइसेट्ठिपमुहो विणिग्गओ तस्स वंदणणिमित्तं । पुरलोगो वंदित्ता उवविठ्ठो सुद्धभूमीए ।।५॥ तीसे परिसाएँ तओ पारद्धा सयलदुक्खनिद्दलणी । सद्धम्मकहा संवेगरंगसंसग्गसंजणणी ।।६।। “भो भो भव्वा! संपाविऊण अइदुल्लहं मणुयजम्मं । सिरिसव्वन्नुपणीए कुणह सया आयरं धम्मे ॥७॥ पडिवज्जह अट्ठारसदोसेहिँ विवज्जियं जिणं देवं । वरसाहुणो य गुरुणो, जीवाइपयत्थसदहणं ।।८॥ परिहरह मोहजालं, राग-द्दोसारिणो णिसुभेह । चयह कसाए, इंदियतुरंगमे दमह दुईते ।।९।। चइऊण घरावासं असेसगुरुदुक्खसंतइ निवासं । पंचमहव्वयजुत्तं विवज्जियं राइभत्तेण ।।१०॥ तहिँ गुत्तीहिँ सुगुत्तं पंचहिँ समिईहिँ संवुडमुयारं। खंताइदसपगारं पडिवज्जह साहुवरधम्मं ।।११॥ जइणविसक्कह एयं काउंतोपंचऽणुव्वयसमेयं । तिगुणव्वय-चउसिक्खाकलियंपालेह गिहिधम्म।१२॥ रिद्धीओं जोव्वणं जीवियं च खणभंगुराणि णाऊण । जेणोज्झिय संसार संसारं जाह सिद्धिउरं ॥१३॥ इय सोऊणं सव्वा परिसा संवेगमागया धणियं । तो वसुभूई जंपइ पणमित्ता सूरिपयकमलं ।।१४॥ 'भगवं ! जं तुब्भेहिं आइटें तत्थ नत्थि संदेहो । किंतु जईणं धम्मं ण समत्थो दुक्करं काउं ॥१५॥ तापसिऊणं देज्जउ गिहत्थधम्मो इमो महं नाह! ।' ‘एवं' ति होउ गुरुणा भणिए, घेत्तूण गिहिधम्म।१६। नियगेहे गंतूणं तं धम्मं कहइ सयणवग्गस्स । सो जाव ण पडिवज्जइ ता गंतुं गुरुसमीवम्मि ।।१७। पभणइकयंजलिउडो जिणधम्मो एसमेसमक्खाओ।सयणाण किंतु तेसिं मम वयणेणंणपरिणमइ ।१८। ता तेणुवरोहेणं गंतूणं तत्थ पहु ! समुद्धरह । भवजलहिम्मि पडते नियदेसणजाणवत्तेणं' ।।१९।। अज्जसुहत्थी वितओपडिवजिय तम्मिहम्मिगंतूण । अखिविय देसणाए जा देइ अणुव्वए ताव।२०। अज्जमहागिरि भगवं जिणकप्पविहाणओ विहरमाणो । संपत्तो दटुंता सहसा अब्भुट्टिओ सूरी ।।२१। तंदणं सेट्ठी पभणइ 'तुम्भं पि किं गुरू अन्नो? ।' सूरी वि आह आमं, एसो भगवं गुरू अम्ह ।।२२। दुक्करकिरियानिरओ करेइ अइदुक्करं तवच्चरणं । पेयवणाइसु पडिमं ठाइ सरीरम्मि निरवेक्खो ।।२३।
१. सं० वा. सु० णत्यो ।। २. ला० लिपुत्तम्मि ।। ३. सं० वा० सु० साहु जिणधम्म ।। ४. सं. वा० सु० काउं पंचेवऽणुव्व ।। ५. शोभन: सारः यस्मिन् तत् संसारं सिद्धिपुरम् ।। ६. सं० वा० सु० देसिं ।। ७. सं० वा० सु० णवइ ।। ८. ला. तो ता दटुं ।।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |