Page Text
________________
सविवरणे मूलशुद्धि प्रकरणे पि भत्तं पच्चक्खामि' त्ति चिंतिऊण गुरूणं च अणाचक्खिय भत्तं पच्चक्खायं । मरिऊण गओ देवलोगं । तओ चइऊण इहं समुप्पन्नो । ता सुगुरुसामगि सव्वविरइं च लभ्रूण कह माणसियरागाणुबंधकरणाओ अणारिओ जाओ म्हि ? अणारियत्तणे वि जेणाहं पडिबोहिओ सो चेव मज्झ सव्वगोरवट्ठाणेसु वट्टइ ।। तहा यसोच्चिय अभयकुमारो मज्झ गुरू बंधवोसुही जणओ। जेण पडतो नरगे उद्धरिओ निययबुद्धीए ।१५। जइ तेण समं मेत्ती महाणुभावेण मज्झ न हुहुंता । ता धम्मकलावियलो भमडंतो नूण संसारे ।।१६।।
ता किं इयाणि बहुणा संतप्पिएण ? । तत्थेवाऽऽरियदेसे गंतूण सव्वदुक्खविमोक्खणक्खमं पवज्जामि पव्वजं' ति चिंतिऊण उठ्ठिओ । मग्गिया य पुरिसा पुप्फाइ पूओवयारं । पूइऊण य पडिमं गओ रायसमीवं । भणिओ य राया 'ताय ! संजाया ताव मह अभयकुमारेण सह पीई । ता जइ तायस्स पैडिहाइ तो गंतूण तत्थ परोप्परदसणेण परमपीई काऊणाऽऽगच्छामि ।' रना भणियं 'पुत्त ! एवं चेव अम्हाण पीई । ता सव्वहा न गंतव्वं तुमए ।' तओ अविसज्जणाओ जहोचियमुवभोगाइयमकुणंतं दद्दूण ‘अवस्समकहिऊण गमिस्सई' ति कलिऊण दिण्णाणि पंचसयाणि सामंताणमंगरक्खगाणि राइणा । भणिया य ते एगते 'जइ कुमारो गच्छइ ता तुम्होवरि ।' 'आदेसो' त्ति भणिऊण लग्गा कुमारपुट्ठीए । कुमारेण वि 'वंचित्ता एए गच्छामि' त्ति चिंतिऊण एगम्मि दिवसे भणिया जहा भो आसवाहणियाए गच्छामो ।' तेहिं वि 'जं कुमारो आइसई' त्ति भणंतेहिं कडिया जच्चतुरंगमा वंदुराओ । गया वाहियालिं । वाहिया तुरंगमा । गओ कुमारो थेवं भूमिभागं । एवं दिणे दिणे अहियाहियं गच्छंतो जाइ जाव असणं, तओ थेववेलं गमेऊण नियत्तइ । एवं जाव मज्झण्हे आगच्छइ । ते वि छायाए ठिया निरिक्वेता अच्छंति । एवं वीसासित्ता समुद्दतीरे पच्चइयपुरिसेहिं पहाणजाणवत्तं रयणाणं भरावेऊण, पडिमं संकामिऊण य, तत्थाऽऽरुहिऊण समागओ आरियदेसं । पडिममभयस्स पेसिऊण, जिणाययणेसु महिमं कराविय, पच्चइयपुरिसदीणाणाहाईणं रयणाणि दाऊण, पडिग्गहाइयं गहेऊण, लोयं काऊण जाव सव्वविरइसामाइयं उच्चारेइ ताव जंपियं आगासट्ठियदेवयाए 'भो महासत्तय ! मा सव्वविरई पडिवज्जसु । अज्ज वि तुहऽत्थि भोगहलियं कम्मं । तं भुंजिऊण पव्वयसु ।' तओ वीरसप्पहाणयाए 'किं मज्झ कम्मं काहिइ ?' ति गहिऊण सव्वविरइं विहरिउमाढत्तो । कमेण पत्तो वसंतपरं नाम नगरं । तत्थ बाहिरदेवठले ठिओ काउस्सग्गेण ।
१. ला० मे ।। २. ला० पूयोव' ।। ३. ला० पडिहासइ ॥ ४. ला० तो ॥ ५. ला० रक्खाणि ॥ ६. ला० रेणावि ।। ७. सं० वा. गच्छंते ।। ८. ला० थोववेलं ।। ९. ला० निरिक्खंता ।। १०. सं० वा० सु० काराविया ।। ११. ला० दीणाईण य रय' ।। १२. ला० गिहिऊण ।। १३. ला० महासत्त ! ।। १४. सं० वा० सु० त्ति, अज्ज ।। १५. ला० गिहिऊण ॥ १६. ला. 'तपुरं ।। १७. मुप्र० 'देवले ।।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |