Page Text
________________
११
आर्द्रककुमारकथानकम् मंजूसामज्झम्मि समुग्गए, तप्पुरओ य धूयकडच्छुयघंडियाइपूओवगरणाणि, पुणो य तालयाणि दाऊण निययमुद्दाए मुद्दिया । जया य सेणिएण आभरणाइ बहुदव्वं कोसल्लियाणि य दाऊण विसज्जिया अद्दयरायपुरिसा तया समप्पिया ताण मंजूसा । भणिया य ते 'मह वयणेण भणेज्जह अद्दयकुमारं जहेमं ममोवायणं एगागिणा एगते सयमेव उम्मुदिऊणोग्घाडेत्ता निरूवियव्वं, न य अन्नस्स कस्सइ दंसणीयं' । ‘एवं होउ' त्ति भणिऊण निग्गया पुरिसा । अणवरयपयाणेहि य पत्ता नियनगरं । पुव्वक्कमेण सव्वं जहोचियं काऊण गया कुमारभवणं । साहियं सव्वं पि जहासंदिढं। ताहे पविट्ठो कुमारो कोट्ठयब्भंतरे, उग्घाडिया य मंजूसा जाव नियपहाजालेण उज्जोययंती दस वि दिसाओ दिट्ठा पडिमा अहो अच्छरियं ! किं पि अम्हेहिं अदिठ्ठपुव्वं एयं । तो किं सीसे कन्ने कंठे अहवा वि बाहुजुगलम्मि । परिहेमि हत्थ पाए किंचि सरूवं ण याणेमि । १४।
किंच एयं किंपि कहिंचि दिठ्ठपुव्वमिव पडिहासइ, ता कहिं दिठ्ठपुव्वं ?' इइ चिंतयंतो ईहापोहमग्गणगवेसणं कुणमाणो मुच्छाए निवडिओ धरणिवढे । सयमेव समाससिऊणोडिओ कुमारो। खणंतरेणं समुप्पन्नजाईसरणो य चिंतिउमाढत्तो जहा 'अहं ईओ तइयजम्मे मगहाजणवए वसंतपुरे गामे सामाइओ नाम कुंडंबी अहेसि । बंधुमई मे भारिया । अन्नया सुट्टियायरियसमीवे धम्म सोऊण संसारभउब्विग्गो सभारिओ पव्वइओ । गहियदुविहसिक्खो य संविग्णसाहूहिं समं विहरतो समागओ एणं नगरं । सा वि सहुणीहिं समं विहरमाणा समागया तम्मि चेव नगरे । दळूण पुव्वरयसरणाओ तं पइ जाओ मे रागाणुबंधो । साहिओ य बिइयसाहुस्स । तेण वि निवेइओ पवत्तिणीए । तीए वि बंधुमईए । तओ भणियं बंधुमईए 'अहो विचित्ता कम्मपरिणई, जओ एस गीयत्थो वि एवमज्झवसइ । तो भगवइ ! न मम अन्नत्थ गदाए वि अणुबंधं मुयही, ता संपयं अणसणं चेव जुत्तं । यतः
वरं प्रवेष्टुं ज्वलितं हुताशनं न चाऽपि भग्नं चिरसश्चितं व्रतम् । वरं हि मृत्युः सुविशुद्धकर्मणो न चापि शीलस्खलितस्य जीवितम् ।।१९।।
इय सामत्थिय, भत्तं पच्चक्खिय उब्बंधिऊण मया । तं च सव्वं सोऊण परमसंवेगावनेण मए, चिंतियं जहा-'तीए महाणुभावाए वयभंगभयाओ एवमणुट्ठियं, मम उण वयं भग्गमेव, ता अहं
१. ला० निअमुद्दाए ।। २. सं० वा० सु० जया इ ।। ३. सं० वा० सु० जहेयं ।। ४. ला० न अन्न' ।। ५. ला० अहो अच्चब्मुयं अहो अच्चन्मयं किंपि एयं अदिट्ठपुव्वमम्हेहि, ता किं सी ।। ६. ला० किंपि ।। ७. ला० जाणामि ।। ८. ला० ईहावूहम ।। ९. ला० करमाणो ।। १०. सं० वा० सु० समासासि ।। ११. ला० ऊण उडिओ खणंत ।। १२. सं० वा० सु० इओ य त ।। १३. सं० वा० सु० वसंतपुरए । १४. सं० वा० सु० सुव्वयायरि ।। १५. ला० गहियसिक्खो ॥ १६.-१७. ला० सह ।। १८. सं० वा० सु० 'ओ बिइ ।। १९. ला० अचिंता ।। २०. ला० गयाए चित्रणुबंधं मुइही ।। २१. ला० इइ ।। २२. ला० समत्थिय ।। २३. ला० एयमणुट्ठियं मम पुण ।।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |