Page Text
________________
२७२
सविवरण मूलशुद्धि प्रकरण चतुर्थ स्थानके तुह ललियकंतिलायण्णहारिणो सुंदरस्स रूवस्स । हिमपवणो कमलस्सव विणासभूओ हवेज तवो ।५१। जंजत्थ जया जुज्जइ काउं तं तह कुणंति बुहसंघा । किं कुणइ दारुकुंभम्मि कोइ बालो विहव्ववहं ? ॥५२॥ इय तह तुह तणुलइयाए रुइरलायण्णकंतिसोहाए । होइ तवो कीरंतो विद्धंसणकारओ नूणं ।।५३।।
अण्णं चतामरससच्छहं तुह सरीरयं कह सहेज तिव्वतवं? । तिव्वाऽऽयवं दुमोचेवसहइनो किसलउब्भेओ।५४। तिव्वं तवसंतावं सहेइ वयपरिणओ, न बालतणू । आयवदंसणमित्तेण सुसइ गोपयगयं वारि ।।५५।। इय वयवुड्डि च्चिय होइ कारणं इठ्ठसाहणत्थम्मि । उज्जोवइ पुण्णससी, न इंदुलेहा जयं सयलं' ।।५६।।
तओ एयमायण्णिऊण ईसिवियसावियवयणकमला जंपिउं पवत्ता चंदणा जहा “महाराय ! किं पडिबुद्धबुद्धिणो एवं विहाई जंपंति ?, जओ
सो च्चिय कालो जायइ तवस्स इह पंडिया पसंसंति । सामत्थं जत्थ समत्थवीरिए होइ जंतूणं ।।५७।। अणहिंदियत्थसामत्थयाजुओ पढमजोव्वणे चेव । सयलाण वि करणीयाण पच्चलो जायए जंतू ।।५८।। जइया पुण सयलिंदियवेयेल्लावण्णनीसहसरीरो । इह उठ्ठिडं पि न तरइ तइया किं कुणउ कायव्वं ? ५९। वीरियसज्झो जायइ तवोत्ति तणुमित्तसाहणो नेय । कुलिसंचिय दलइ गिरी, नकयाइ विमट्टियापिंडो ६० इयरहिओ कह सामत्थयाए काउंतरेज किंपिनरो? । इच्छामि तेण काऊण जोव्वणे च्येय धम्ममइं । ६१।
अण्णं च एसा चेव रयणवुट्ठी पुण्णाणुबंधसंसिणी उच्छाहइ मं धम्मुज्जमे, किंच तुब्भेहिं न सुयं विउसजणजंपियं 'न धम्मरहिया सव्वसंपयाणं भायणं हवंति” । एत्थावसरम्मि य पुरंदरेण भणिओ सयाणियपत्थिवो जहा “भो नराहिव ! मा एवं भणसु, जओकिंन [हु] मुणियं तुमए एसा संपुण्णसीलगुणविहवा । चंदणतरुणो साह व्व चंदणा सीयलाधणियां६२। एसा हु भयवओ वद्धमाणतित्थंकरस्स पढमयरा । अजाण संजमुज्जमपवत्तिणी होहिई अणहा' ।।६३।
हिययविचिंतियसरहसपव्वज्जाकाललालसा एसा ।
आभासिउं पि जुज्जइ न अन्नहा, किं थे बहुएण?॥६४।। चिट्ठउँ निहेलणे च्चिय तुम्हं ताजाव होइ सोसमओ । जयगुरुणोपव्वज्जाणुग्गहकरणस्स जो जोग्गो ।६५। एवं पि इमाए चेव होइ सुरमुक्करयणवुट्ठिधणं । गिण्हउ, जहिच्छियं देउ जस्स जं जोगमेत्ताहे' ।।६६।। तो सा सुराहिवइणो अणुमइमेत्तेण सव्वधणसारं । सेट्ठिस्सऽणुमण्णेऊं, नरवइगेहं पइ पयट्टा।।६७।।
१. सं० वा० सु० न यंदु' ।। २. ला० यल्लूविइणइण(यल्लविइण्ण) नीस' || ३. सं० वा० सु० इय उ॥ ४. ला० हि ॥ ५. सं० वा० सु० होही अणग्या ॥ ६. ला० च ॥ ७ सं० वा० सु० बहवेण || ८. सं० वा० सु० 'उगिहंगणे च्चिय ।। ९. सं० वा० सु० पइट्ठा ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |