Page Text
________________
चन्दनार्याकथानकम्
२७१
‘भो सेट्ठि ! धर्णा तुमं जस्सेरिसी तिहुयणतिलेयभूया धूया जीए एरिसं भयवओ पारावणदाणफलमासाइयं । ओ
अहमित्थ पत्थिवो किर पुरीए, कोडुंबिओ पुण तुमं ति । इय अंतरे वि गुरुणा तह वि तुमं चेवऽणुग्गहिओ ॥ ४३॥
विवो न य जाई न पहुत्तं कारणं कुसलयाए । भवणम्मि अत्थिणो जस्स इंति सो पुण्णभाई' त्ति ॥ ४४॥ इय एव पत्थिवो थुइसमिद्धिसंबद्धविविहभणिएहिं । अहिणंदइ जा सव्वायरेण कयगोरखं सेट्ठि ।। ४५ ।।
तावय रणा सह समागएण अंतेउरमहल्लएण दिट्ठा चंदणा, पुणरुत्तवियक्कपरायणेण पच्चभिण्णाया । पच्च-भिण्णाणाणंतरं च चलणेसु निवडिऊण रोइउं पेयत्तो । तं च रोयंतं दहूण राइणा देवीए य भणियं 'भो ! किमेयं ? ' । तेण वि साहियं 'देव ! जहेसा दहिवाहणरायधूया धारिणीकुच्छिसमुब्भवा वसुमई नाम कण्णया कहं पि एत्थाऽऽगया न जाणामि । ओ राणा वसुमई पुच्छिया । तीए य जं जहावत्तं तं तहा सव्वं साहियं जाव धणसेट्ठिहत्थागमणं धूयापनित्ति - सिणेहनिब्भरपरिपालणाइ-पत्थुयसंबंधावसाणं । तं च सोऊण सिणेह - निब्भरं निवेसिया उच्छंगे राइणा देवीए य । तओ विण्णत्तं तीए जहा 'तुब्भेहिं सेट्ठिणा य अब्भणुण्णाया इच्छामि धम्मायरणं काउं, जओ
संसारे बहुविहदुहकिलेससयसंकुले असारम्मि । को नाम कयविवेओ रमेज्ज सुहसंगवामूढो ? ।।४६ ।। इह जम्मे च्चिय दट्टूण तारिसी सुकुलजम्मसंभूई । जाया पुणो वि एसा परपेसकिलेसिया मुत्ती ।।४७।। तं तारिसबहुविच्छड्डुविड्डरिल्लऽम्ह पुव्वसंभूई । संपइ को गोट्ठीसु वि साहिज्जंतं पि सद्दहइ ? ।।४८।। इय कलिउं संसारम्मि कम्मुणो वसवियंभियव्वाइं । को नाम सयन्नो निमिसयं पि सज्जेज्ज संसारे ?' ।। ४९ ।
एयं च समायण्णिऊण राइणा भणियं जहा 'पुत्ति ! अज्ज वि बालो वयविसेसो, अलंघो जोव्वणवियारो, दुज्जओ मोहप्पसरो, बलिओ इंदियग्गामो, ता विलसिऊण संसारविलसियव्वाई, उवभुंजिऊण सयलिंदियसुहाई, अणुभुंजिऊण सुरवरसेमास (सा) इयं धणसमिद्धिं पच्छा जुज्जइ काउं धम्मज्जमो; संपयंतु,
कत्थ इमं तुह तेलोक्कजंतुकयविम्हयं तणुसरूवं । कत्तो लायण्णुद्दलणपच्चलो तवविसेसो ? त्ति ।। ५० ।।
१. सं० वा० सु० 'ण्णो जस्से ॥ २. सं० वा० सु० 'लया धूया ॥ ३. ला० स्स जंति सो पुण्णभाय त्ति ।। ४. ला० ‘च्वभिन्नयाणंत ॥ ५. ला० पवत्तो ॥ ६. ला० धूयप ॥ ७. सं० वा० सु० 'परपेसिकि' ॥ ८. सं० वा०सु० 'हुविऊण ।। ९. सं. वा. सु. समाणाइयं ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |