Page Text
________________
श्रेयांसकथानकम्
२६३
जीवंतएण पओयणं'। तओ अम्हे नियपुत्तं नयरे ठविऊण पत्थियाणि, जाव पत्ताणि सरवणं नाम वणसंडं । तस्स य मझेण पंथो वच्चइ । तओ लोगेण वारियाणि ‘मा एएणं मग्गेणं वच्चह, इत्थ दिट्ठिविसो सप्पो चिट्ठई' । तओ अम्हे अण्णमग्गेण पत्ताणि पोंडरिगिणिं । अम्हाऽऽगमणं च सोऊण भउब्भंतलोयणा पणया सामंता पोक्खलपालस्स । तेण वि अम्हे पूइऊण विसज्जियाणि पत्थियाणि सनगरं, लोगेण य भणियं 'सरवणस्स मज्झेण गंतव्वं जओ मुणिकेवलनाणुप्पत्तिमहिमाकरणनिमित्तोवइयदेवप्पहाजालेण पडिहयं सप्पस्स दिह्रिविसं' । कमेण पत्ताई तत्थ, आवासियाणि य । तहिं च सागरसेण-मुणिसेणा मम सहोयरा अणगारा पुरओ ठिया । तओ अम्हे हिं दिट्ठा तवलच्छिपडिहत्था सारदसरजलपसन्नहियया सारदसगलससिसोमदंसणा तियसपरिसापरिवुडा धम्ममाइक्खमाणा। परेण य भत्तिबहुमाणेण वंदिया सपरिवारा । फासुएण असण-पाण-खाइम-साइमेण पडिलाहिया य । तओ अम्हे तेसिं गुणे अणुगुणिताई चिंतिउं पवत्ताई, अवि य'धण्णा कयपुण्णाखलु सुलद्धमेयाण माणुसंजम्मं । चइऊण रायलच्छिं जे पव्वइया जिणमयम्मि ।।९।। सुयजलहिपारगामी दुक्करतवचरणकरणउज्जुत्ता । भवियकमलावबोहणदिणमणिणो पयडमाहप्पा ।।९१ । बहुविहलद्धिसणाहा निम्मलजसपसरधवलियदियंता । खंता दंता मुत्ता गुणसयजुत्ता महासत्ता ।।९२।। होही सो कोवि दिणो, जइया परिचत्तसव्वसंगाई । एवंविहमुणिदिक्खं गुरुपयमूलम्मि घेच्छामो ।।९३।। किरियाकलावकरणुजयाइं तवखवियपावकम्माइं । संवेगभावियाइं इय अणुकारं करिस्सामो ।।९४।। किंवा बहुणा परिचिंतिएण?, अइचंचलम्मिजीयम्मि । पुत्तं ठवित्तुंरज्जे सिग्घं दिक्खं गहिस्सामों' ।।९५। इय विहियनिच्छयाइं सुहभावणभावियाई नियनयरे । पत्ताई, पुत्तेण वि भिच्चयणं अम्ह विरहम्मि ।।९६।। दाणाईसंगहियं काउं विसजोगधूविओ धूवो । वासहरे अम्हाणं दिण्णो विणिवायणट्ठाए ।।९७।। तमबुज्झंताणि तहिं वीसज्जियपरियणाणि सुत्ताणि । विससंदूसियधाऊणि झत्ति कालं विहेऊण ।९८ उप्पण्णाई जुवलयधम्मेणं एत्थ उत्तरकुराए । सव्वमिणं विन्नायं नाह ! मए जाइसरणाओ ।।९९।।
ता सामि ! जा निन्नामिगा जा सयंपभा जा य सिरिमई सा अहं । जो महब्बलो जो ललियंगओ जो य वयरजंघो ते तुब्भे त्ति, एवं जीसे नामं गहियं भे सा अहं सयंपभा । तओ सामिणा भणियं 'अजे! जाइं सुमरिऊण देवुजोयदंसणेण चिंतेमि 'देवभवे वैट्टिहिं' त्ति मे 'सयंपभा' आभट्ठा, तं सव्वमेयं कहियं ति। परितुट्ठमाणसाणि पुन्वभवसुमरणसंधुक्कियसिणे हाणि सुहागयविसयसुहाणि तिण्णि पलिओवमाणि जीविऊण कालगयाणि सोधम्मे कप्पे देवा जाया ।
तत्थ वि तिण्णि पलिओवमाणि देवलोगसुहमणुहविऊण सामी चविऊण वच्छगावइविजयमज्झट्ठियपहंकरानयरीए सुविहिवेजपुत्तो केसवो नाम समुप्पन्नो । अहं पुण तत्थेव
१. ला० ‘ण य प ॥ २. ला० ते ॥ ३. सं० वा० सु० वदृहि ॥ ४. ला० ‘ण वच्छगाव ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |