Page Text
________________
सविवरण मूलशुद्धि प्रकरण चतुर्थ स्थानके
तत्थ जणो साउफले गिण्हइ उच्चुच्चतरुवरेहिंतो । भूपडियपक्कसाउफ (? प्फ) लाणि भुत्ताणि य मए वि । ३१ । ती लोएण समाणं गिरिस्स जा रम्मयं णिरूवेमि । ता निसुओ सुइसुहओ सद्दो एगत्थ गंभीरो ।। ३२ ।। तस्सऽणुसारेण अहं जणेण सह जाव तत्थ वच्चामि । ता धम्ममाइसंते पेच्छामि जुगंधरायरिए ।। ३३ ।। ता हरिसनिब्भरंगी सूरिं वंदित्तु लोयमज्झम्मि । उवविट्ठा निसुणेमिं तव्वयणविणिग्गयं धम्मं ।। ३४ ।। तो चोद्दसपुव्वधरो चउनाणी सो गणी विसेसेण । आइक्खिउं पवत्तो अम्हीण विबोहणट्ठाएँ । । ३५ ।।
अवि य
मिच्छत्तेणं पमाएणं कसाया - ऽविरईहिं य । दुजोगेहिं बंधंति कम्मं जीवा निरंतरं । । ३६ । । अदेवे देवबुद्धी य, असाहूसु स साहुया । अतत्ते तत्तविण्णाणं, मिच्छत्तमियमाहियं ।। ३७।। मज्जं विसय कसाया निद्दापणगमेव य । विगहाणं चउक्कं च पमाओ पंचहाऽऽहिओ ।। ३८ ।। कट्ठ-पिट्ठेहिं निप्पन्नं मज्जं दुविहमाहियं । सद्दा रूवा रसा गंधा फासा विसय कित्तिया ।।३९।।
हो माणो य माया य लोभो चउरो चउव्विहा । संजलणाइभेएहिं कसाया सोलसेव उ ।।४०।। निद्दा य निद्दनिद्दा य पयला य तेयज्जिया । पयलापयला चेव थीणगिद्धी य पंचमा ।। ४१ ।। थीकहा-देसभासाई भत्ते संभारवन्नणं । देसेसु रम्याई य निगमाइ निवक्कहा ।।४२।। विरईवज्जणं चेवाऽविरई परिकित्तिया । दुट्ठा मणो वई - काया दुट्ठजोगा वियाहिया ।। ४३ ।। कम्मबंधस्स हेऊणि सव्वाणेयाणि वज्जह । जेण लंघित्तु संसारं सिग्घं मुक्खम्मि गच्छह ।। ४४ ।।
२५८
तओ मायन्निऊण विबुद्धा बहवे पाणिणो । मए वि कहंतरं वियाणिऊण पुच्छिया गुरुणो ‘भयवं ! किं ममाओ वि अत्थि कोविदुक्खिओ ?' । भयवया भणियं 'निन्नामिगे ! अस्थि निरया, निच्वंधयारतमसा ववगयगह-चंद-सूर - नक्खत्ता । पूयवसाबीभत्सा (च्छा) चिलिच्चिला असुहगंधरसा । ४५ । इह विहियपावकम्मा जीवा जायंति तत्थ नेरइया । बीभत्स (च्छ) दंसणिज्जा पच्चक्खा पावपुंज व्व ।।४६ । स-परोदीरिय-साभावियाइं दुक्खाई जाई पुण तेसिं । नो वण्णिउं समत्थो ताणि नरो जो न सव्वण्णू ? ॥४७॥ तिरिया वि जाई अइदारुणाइं विसर्हति विविदुक्खाई । तण्हा - छुहाइयाइं ताइं नो साहिउं तरइ ।।४८।। तुह दुक्खाओ दारुणतराई ताइं अनंतगुणियाई । परवसयाणं भद्दे ! नारय- तिरिएस घोराई ।। ४९ ।। अप्पवसा तं सि पुणो, सद्दे गंधे य रूव रस फासे । अमणुन्ने परिर्हरिडं सेवेसि मणोरमे निच्वं ।।५०।। ती अप्पं तुह दुक्खं, किंतु तुमं पासिउं सुकयधम्मे । जीवे सुहप्पसत्ते अत्ताणं मन्नसे दुहियं ।।५१।।
१. ला०ता ॥ २. ला० म्हाणं बोह ॥ ३. सं० वा० सु० ९ए ॥ मिच्छ ॥ ४. ला० निप्पन्नं ॥ ५. ला० इज्जि ॥ ६. ला० निग्गमाइ ॥ ७. ला० दुहिओ ॥ ८. ला० इय वि ॥ ९. सं० वा० सु० हरियं से | १०. सं० वा० सु० णोगए नि ॥ ११. ला० तो ॥। १२. सं० वी० सु० °सियं सु ॥ १३. ला० अप्पाणं ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |