Page Text
________________
देवधरकथानकम्
२२५
सेट्ठिा देवधरो 'वच्छ ! दंसेहि अम्हाणं नियभारियं' । तेण वि 'जं ताओ आणवेइ' त्ति भणतेण सद्दाविया रांयसिरी, समागया य सा निवडिया सेट्ठिचलणेसु । 'अविहवा होहि 'त्ति भणंतेण निवेसिया उच्छंगे सेट्ठिणा । दट्टूण विणिज्जियसंयलविलयायणं तीए रूवाइसोहासमुदयं चिंतियं धणसेट्ठिणा, अवि य
।।
४६ ।।
“जो एयाए गरुयाणुरायरत्ताएँ निस्सहंगीए । सव्वंगं उवगूढो मह धूयं इच्छिही कह सो ? लावण्णामयसरसीऍ निच्चमेयाइ जो समं रमइ । सो मज्झ सुयं रमिही कह रूववई पि देवधरो ? ।। ४७ । पडिकूलाए एयाऍ भुंजिही कहणु विसयसोक्खाई ? । अइमुद्धा मह धूया एईई पइम्मि जा लुद्धा ।। ४८ । ता किमेइणा ?, भावमुक्लेक्खेमि ताव एयाणं, पच्छा जहाजुत्तं करिस्सामि' । त्ति भाविऊण भणिया रज्जसिरी 'वच्छे ! मह धूयाए कमलसिरीए तुह भत्तुणो उवरि महंतो अणुरागो, ता जइ तुमं असंतो न करेसि ता देमि से तं' । रज्जसिरीए भणियं 'ताय ? महंतो मह पमोओ, ता पूरेउ ताओ मह भगिणीमणोरहे' । सेट्ठिणा भणियं 'पुत्ति ! जइ एवं ता तुह उच्छंगे चेव पक्खित्ता कमलसिरी, अओ परं तुमं चेव जाणसि' । रज्जसिरीए जंपियं 'ताय ! महापसाओ' । देवधरो वि भणिओ 'पुत्त ! गिहाहि तुहाऽणुरत्ताए एयाए करं करेणं' ति । 'जं ताओ आणवेइ' त्ति पडिवण्णमणेण । ओ महाविभूईए कारियं पाणिग्गहणं सेट्ठिणा । तओ रायसिरी कमलसिरीणं दिण्णं दोण्ह वि तुल्लमाभरणाइयं । काराविओ महाववहारं जामाउओ । विढवए पभूयं दविणजायं । विणिओयए पुव्वलद्धं जिणभवणाइसु ।
इओ य विवाहदिणनिमंतियाऽऽगयाए कमलसिरिवयंसियाए मइसागरमंतिधूयाए पउमसिरिनामाए दहूण देवधरं कया सहीण पुरओ महापइण्णा, अवि य
‘जइ परिणइ देवधरो हला ! ममं कहवि दिव्वजोएण । ता भुंजामि भोए, अण्णह नियमो इहं जम्मे' ।। ४९|| तं च तारिसं तीए महापइण्णं सोऊण से सहीहिं साहियं तज्जणणीए पियंगुसुंदरीए । ती वि मइसायरमंतिणो । तेण वि हक्कारिऊण सेट्ठी दिण्णा सगउरवं देवधरस्स पउमसिरी । उव्वूढा महाविभूईए । दिण्णं मंतिणा तिन्ह वि संमाणमाभरणाइयं ।
तओ नीयं राइणो पायवंदणत्थं वहुवरं मंतिणा । सम्मणिऊण निवेसियं वरासणेसु राइणा । देवधर - रूवाइसएण जाव रंजियमणो चिट्ठइ राया ताव 'वरपत्त' त्ति सव्वालंकारविभूसिया
१. सं० वा० सु० रज्जसिरि ॥ २. ला० सव्वविल ॥ ३. ला० नीसहं ॥ ४. सं० वा० सु० पयम्मि || ५. ला० 'लक्खामि ॥ ६. ला० °री चट्टे ! मह ॥ ७. ला० °तो मे पसाओ, ता ॥ ८. ला० णीए मणो ॥ ९. सं० वा०सु० पुत्त ! जइ ॥ १०. ला० °सिरीए वयं ॥ ११. ला० °ए । तीए । १२. ला० समाभर ॥ १३. सं० वा०सु० 'णाई । तओ ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |