Page Text
________________
२२२
सविवरण मूलशुद्धि प्रकरण चतुर्थ स्थानके
तेण भणियं ‘एवं होउ, परमण्णहा न कायव्वं' । तओ पुच्छिया पवित्तिणी लच्छीए जहा 'किं सच्चं चेव न दिक्खिस्सह रायसिरि ?'। पवित्तिणीए भणियं 'सच्चं' । तओ तीए 'दारिद्दपत्तो वि गुणजुत्तो सावयधम्मजुत्तो सामण्णपुत्तो य एस देवधरो, न य मह कम्मरीहत्थाओ अण्णो को वि महिड्डिपत्तो गिहिस्सइ, एसो य महायरेण मग्गईत्ति चिंतिऊण दिण्णा देवधरस्स रायसिरी । कम्मधम्मसंजोएण जायं तीए चेव फग्गुणसुद्धक्कारसीए वारेज्जयलग्गं । तओ कीरतेसु वारिजमंगलेसु भाविउं पवत्ता रायसिरी, अवि य'जइ अंतरायकम्मं न हु हुँतं मज्झ पुण्णवियलाए । संजमभरवहणसमुज्जयाएँ कयनिच्छयमणाए ।।३२। तो दिजिंतो वेसो अजं मह सयण-सावयजणेहिँ' । वण्णणए कीरते संविणा भावए एवं ।।३३।। पुणरवि लग्गदिणम्मी चिंतइ कीरंतए पमक्खणए । 'निक्खमणऽभिसेयमहो, वहॅतो अज मह इण्डिं।३४। संयणाइसंपरिवुडा सव्वालंकारभूसिया अहुणा । वच्चंती जिणभवणे बहुमंगलतूरसद्देहिं ।।३५ ।। माइहरे उवविट्ठा चिंतइ ‘कयजिणपइक्खिणा इण्हिं । गुरुणा सह भत्तीए वंदंती चेइए अहयं ।।३६।। चउविहसंघसमक्खं अप्पिजंतो गुरूहिँ मह वेसो । रयहरणाई संपइ, संपइ कीरंतओ लोओ' ।।३७।।
हत्थाऽऽलेवयसमए भावइ ‘हा ! जीव ! एस सो समओ ।
गुरुयणमणुभासंतो गिण्हंतो जत्थ सामइयं ।।३८।। 'इण्डिं पयक्खिणंती समत्थसंघेण खिप्पमाणेहिं । वासेहिँ समोसरणं' भावइ मंडलयर्भमणम्मि । ३९ । तयणु असेसजणेहिं वंदिजंती तओ पुण गुरूहिं । अणुसहिँ दिजंतिं संवेगगया निसामंती ।।४०।।
हा! जीव ! अलक्खण ! सव्वविरइनिहिगहणलालसो कह तं ।
वेयालेण व बलियंतरायकम्मेण विद्दविओ ?' ॥४१ ।। एवं च भावेमाणी परिणीया जहरिहपडिवत्तीए । विण्णत्तो य सेट्ठी देवधरेण जहा 'ताय अप्पेह किंचि उवस्सयं' । तओ अप्पियं सेट्ठिणा नियवाडगेगदेससंठियं तिणहरं । आणीया य तत्थ तेण रायसिरी । सा य अईवभत्ताणुरत्ता भत्तुणो ।
तओ तीए सह विसयसुहमणुहवंतो जाव चिट्ठइ ताव चिंतियं सेट्ठिणा जहा ‘एस महाणुभावो देवधरो मम सामण्णपुत्तो महासत्तो उदारचित्तो पभूयगुणजुत्तो ता कारवेमि किंचि वाणिज्जं, पेच्छामि से विण्णाणं, जइ जुग्गो तो जहाजुत्तं करिस्सामि' । त्ति परिभाविऊण भणिओ जहा 'वच्छ ! घेत्तूण मम
१. ला० ‘हपुत्तो ॥ २. सं० वा० सु० 'कराह ॥ ३. ला० महिडिओ पुत्तो ॥ ४. ला० जयमं ॥ ५. ला० ण य हुतं ।। ६. ला० सइणा' ॥ ७. सं० वा० सु० उरुय' ॥ ८. सं० वा० सु० पइक्खि ॥ ९. ला० भवण ॥ १०. ला० जणेणं वं ॥ ११. ला० य तेण तत्थ रा ॥ १२. सं० वा० सु० वभत्ताणुरत्ता । तओ॥ १३. ला० 'म पुत्तो॥ १४. ला० जोग्गो तो जहाजोग्गं क' ||
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |