Page Text
________________
देवधरकथानकम्
२२१. भणियं पुत्ति ! सोहणदिणे पव्वाइस्सामि ता भुंजाहिं' । तओ भुत्तं रायसिरीए । पवत्तिणीएं य तहाविहं तीए संसूयत्तणं पिच्छिऊणं पुट्ठा कण्णपिसाइया विजा 'किमेसा जोग्गा न व ?' ति । विजाए भणियं ‘मा ताव पव्वाविस्सह' ।
पवत्तिणी वि 'पुणो पुच्छिस्सामि'त्ति ठिया तुहिक्का जावाऽऽगओ उण्हायालो । तत्थ य खरयररविकरसंतत्ताओ पस्सेयजलाविलगत्ताओ छुहा-तण्हऽत्ताओ भत्त-पाणयभारक्ताओ भिक्खायरियापडिनियत्ताओ पिच्छिऊण साहुणीओ भणिउमाढत्ता रायसिरी भयवइ ! एवंविहकट्टेण एयाहिं महाणुभावाहिँ समाणीयं भत्तपाणं मम गिहत्थाए भुंजमाणीए महंतमासायणट्ठाणं, ता पव्वावेहि मं सिग्घं' ति। पवित्तिणीए वि 'धीरा होहि, जओ वरिसमित्ते फग्गुणसुद्धएक्कारसीए तुह सुझंतलगं'ति संठविऊण पुणो पुट्ठा विजा । विजाए भणियं 'अज्ज वि भोगहलियमत्थि एईए' ।
पवित्तिणी वि 'चेइय-साहु-साहुणीणं भत्तिं करिस्सइ'त्ति मण्णमाणी ठिया तुण्हिक्का जावाऽऽगओ पाउसो। निवडियं वरिसं । तत्थ वि तीए तहाविहं चेव भावं नाऊण पवित्तिणीए पुणो पुट्ठा विजा जहा 'कित्तियमेईए भोगहलियं ?' । विजाए भणियं जहा ‘एसा पंचण्हं पंचुत्तराणं देवीसयाणं अगमहिसी भविस्सइ, पण्णासं च वरिसाइं भोगहलियं भुंजिस्सई' । 'पवयणुण्णइं करिस्सई'त्ति मण्णमाणी ठिया उयासीणयाए चेव पवत्तिणी ।
अण्णया य साहुणीवंदणत्थमागएण दिट्ठा देवधरेण, पुच्छिया पवत्तिणी 'किमेसा अज वि न पव्वाविजइ ?' । पवत्तिणीए भणियं 'जओ अजोग्गा' । 'जइ एवं किमत्थमसंजयं पोसेह ?' । तीए भणियं 'जओ संघस्सुण्णईकरा भविस्सई' । तेण भणियं 'कहं ?' । तीए भणियं 'न पभूयं वट्टइ कहिउँ' । तओ तेण अभोयणाइए कओ निब्बंधो । जहट्ठियं सिढें । तओ चिंतियं देवधरेण 'अहो ! अचिंता कम्मपरिणई जमेसा वणियकुलोप्पणा वि एवंविहं रायलच्छिं पाविस्सइ, भुंजिऊण य रायलच्छिं मण्णे दुग्गइं वच्चिस्सइ, ता परिणेमि एयं जेण रायलच्छिं चेव न पावइ, न य दुग्गइं जाई' । त्ति चिंतिऊण भणिया पवित्तिणी ‘भयवइ ! किमहमेयं परिणेमि ?' । तीए य दो वि कण्णे पिहित्ता [?जंपियं] ‘सावय ! किमयाणो विय पुच्छसि ? न वट्टइ एयमम्हाण जंपिउँ' । देवधरेण भणियं ‘मिच्छा मि दुक्कडं, जमणुवओगो कओं' ।
तओ गओ लच्छीसयासं । भणिया य विणयपुव्वयं 'अंबे ! दिजउ मम रायसिरी' । तीए भणियं 'पुत्त ! दिण्णा मए साहुणीणं' । तेण भणियं 'न पव्वावइस्संति ताओ तं' । तीए भणियं कहं वियाणसि ?'। तेण भणियं 'ताहिं चेव सिटुं' । लच्छीए भणियं 'जइ एवं तो पुच्छामि ताओ' ।
१. सं० वा० सु० पुत्त ! ॥ २. ला० ‘स्सामो ॥ ३. ला० “ए तहा ॥ ४. सं० वा० सु० सभूयत्तणं ॥ ५. ला० रविकिरणसं ॥ ६. ला० तण्हुण्हाओ ॥ ७. ला० यणाठाणं ॥ ८. ला० 'व्वावेह ।। ९. ला० एणयं क' ।। १०. ला० °ए व बंधे (कए निब्बंधे) जह° ||
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |