Page Text
________________
सविवरण मूलशुद्धि प्रकरण चतुर्थ स्थानके
।
रायसिरी वि संगहिया लच्छीनामाए नियमाउसियाए, परिवालए ईसरगिहाइसु कम्मं रायसिरी 'साविय'त्ति भावसारं वंदए पइदिणं चेइय- साहु - साहुणीओ, दाणधम्माइवियलं च निंदए अप्पाणं, अवि य—
२२०
“हा हा ! मह जम्मेणं इमेण अइनिष्फलेण जाएणं । अयगलथणसरिसेणं इह-परलोयत्थवियलेणं | २०|
गास विहु संपज्जइ मज्झ पुण्णवियलाए । अइगरुयकिलेसाऽऽयासजणियकम्मेण जणणीए । २१ । परलोओ पुण विहलो होही मह दाणसत्तिवियलाए । जम्मंतरनिव्वत्तियगरुयमहापावपसराए ।।२२।। धिसि धिसि मम भुत्तेणं निच्वं पत्ते असंविभत्तेणं । परिचत्तुत्तमसत्तेण वित्तसंपत्तिवियलाए” ।।२३।। अह अण्णया य तीए माउसियाए महिब्भगेहम्मि । ओवाइयलाहणए लद्धा वरमोयगा चउरो ।। २४ ।। तो भणिया रायसिरी तीए 'उवविससु पुत्ति ! भुंजाहि । अज्ज मए आणीया तुह कज्जे सीहकेसरया | २५ | उवविट्ठा सा बाला ते घेत्तुं सा पलोयइ दुवारं । 'जइ एइ कोइ अतिही तो लट्ठे होई' चिंतंती ।।२६।। जम्हा मह उवणीयं जणणीए अज्ज सुंदरं भोज्जं । तं दाऊणं पत्ते करेमि सुकयत्थमप्पाणं ।। २७।। इत्थंतरम्मि भिक्खं भममाणीओ गुणेहिँ कलियाओ । दुद्धरबंभव्वयधारियाओं तवसोसियंगीओ |२८| समतिण-मणि-मुत्ताओ जुगमित्तनिहित्तचित्तणेत्ताओ । भवियव्वयावसेणं सुसाहुणीओ समायाओ । २९ । तो पुज्जंतसमीहियमणोरहोप्पण्णपयडपुलयाए । संभमखलंततुरिययरगमण - वसणाऍ बालाए ||३०|| पडिलाभियाओं ताओ तिकरणसुद्धेण सुद्धदाणेणं । आणंदअंसुपप्पुयलोयणतामरसजुयलाए ।। ३१ ।।
I
तओ तेण पत्त-चित्तसुद्धेण दाणेण इहलोयफलं चेव निव्वत्तियं विसिहं भोगहलियं कम्मं, 'धण्णा संपुण्णा हं जीए ऐये संपण्णं' ति सुकडाणुमोयणेण पुणो पुणो संपोसियं । माउसियाए ' ऐसा जाबाला वि एवं करेइ' त्ति मण्णमाणीए पसंसिया ।
१४
तओ तहा वि जा न सक्कइ निव्वाहिउं लच्छी कण्णयं तो समप्पिया सुव्वयाहिहाणाए पवित्तिणीए, भणियं च ं ‘भयवइ ! न समत्था हं निव्वाहिउं, जइ तुम्हाणं पडिहाइ तो हि यं पत्तभूयं' ति । अंगीकया पवत्तिणीए । मोत्तूण तं तत्थेव गया लच्छी नियंगेहे । भोयणसमऍ य भणिया पवित्तिणीए जहा 'पुत्ति ! भुंजसु' । तीए भणियं 'भयवइ ! एरिसे दारुणे सीयकाले सीएणवारण य विज्झडिज्जमाणीहिं समणीहिं महया कट्टेणाऽऽणीयमिणं भत्तं कहमहं गिहत्था भुंजामि ?' । पवत्तिणी
॥
१. ला० निंदइ ॥ २. सं० वा० सु० अइग ॥ ३. ला० 'तरि निव्व ॥ ४. ला० तुज्झ कए सी ॥ ५. ला० कोवि अ० ॥ ६. ला० 'ते कारेमि कय ॥ ७. ला० गुणोहकलि° ॥ ८. सं० वा० सु० ९. सं० वा० सु० वयणाए । १०. ला० तिगर ॥ ११. ला० पत्तसुद्धेण ॥ १२. ला० एयं पुन्नं ति ॥ १३. सं० वा०सु० पुणो संपो ॥ १४. ला० एस जा ॥ १५. ला० तो ॥ १६. ला० 'हासइ ॥ १७. ला० यगेहं ॥ १८. ला० ए भ ॥ १९. ला० ण य वा ॥ २०. ला० णाणियं भतं ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |