Page Text
________________
२१८
सविवरण मूलशुद्धि प्रकरण चतुर्थ स्थानके ‘पिइ-माइ-भाइ-भगिणी-भज्जा-पत्ताइयाण सव्वाण । कीरइ जं पि रहस्सं न रहस्सं तं पि हु सहीणं ।।। ___ता भगिणि ! अवच्चमरणं मम गुरुयमुव्वेगकारणं' । पियमईए भणियं
'जं जेण जहा जम्मंतरम्मि जीवेणुवज्जियं कम्मं । तं तेण तहा पियसहि ! भोत्तव्वं नत्थि संदेहो ॥५॥ परं मा संतप्प, मं गब्भवइं मोत्तूण गओ देसियालियाए मम पिययमो, ताजं ममाऽवच्चं भविस्सइ तं मए तुज्झाऽवस्सं दायव्वं' । सुंदरीए भणियं 'जइ एवं ता मह गेहे चेवाऽऽगंतूण चिट्ठसु जओ ममाऽवि सममाहूओ चिट्ठए गब्भो, ता जइ कहिंचि दिव्वजोएणं समयं पसवामो तो अईवसोहणं भवइ, न य कस्सवि रहस्सं पयडियव्वं' । सा वि तहत्ति सव्वं पडिवज्जिऊण ठिया तीए चेव गिहे । कम्मधम्मसंजोएण समगं चेव पसूयाओ । कओ य मयग-जीवंतयदारगाण परावत्तो। कइवयदिणेहिं च तहाविहरोगेण पंचत्तमुवगया पियमई । सुंदरीए य अणेगाइं सिट्टिाइं लोगे पयडिऊण जहोचियसमए कयं दारयस्स नामं देवधरो त्ति । पवद्धमाणो य जाओ अट्टवारिसिओ।।
___ तओ जाव सिक्खिओ बावत्तरि कलाओ ताव पुव्वकयकम्मदोसेण मयाइं.जणणि-जणयाई, उच्छण्णो सयणवणो, पणट्ठो सव्वो विविहविहवं वित्थरो, जाओ एगागी, गहिओ महादरिद्देण । अणिव्वहंतो य करेइ वुत्ताणत्तयं धणसेटिगेहे । भुजइ तत्थेव । 'कुलजो य सावओ'त्ति जाइ पइदिणं चेइयभवणेसु, वंदए चेइयाई, गच्छए साहु-साहुणीवंदणत्थं तदुवस्सएसु । एवं च वच्चमाणे काले अण्णया कयाइ कम्हि पगरणे परिविढं संपयाहिहाणाए सेट्ठिणीए विसिट्ठ मणुण्णं च तस्स भोयणं । एत्यंतरम्मि य, परिचत्तसव्वसंगं विविहतवच्चरणसोसियनियंगं । पढियेक्कारसअंग जयदुज्जयनिज्जियाणंगं ।।६।। तिहिँ गुत्तीहिँ सुगुत्तं समियं समिईहिँ सत्तसंजुत्तं । समदिठ्ठसत्तु-मित्तं सुसाहुजुयलं तहिं पत्तं ।।७।। तं दटुं देवधरो पयडसमुन्भिज्जमाणरोमंचो । चितेइ 'अहो ! दुलहा जाया मह अज सामग्गी ।।८।। पत्तं वित्तं चित्तं तिण्णि वि पुण्णाइँ पुण्णजोएण । ता सहलं नियजीयं करेमि पडिलाहिउं मुणिणो' ।।९।। इय चिंतिऊण गंतुं मुणिपामूले नमंतसिरकमलो । विण्णवइ 'कुणह भयवं! महऽणुग्गहमेयगहणेणं'।१०। साहूहिँ वि तं नाउं अइगरुयपवड्डमाणपरिणामं । थोवं दिजसु सावय ! भणिऊणं उड्डियं पत्तं ।।११।। तेण वि ‘इच्छं इच्छं' पयंपमाणाण ताण साहूण । रहसवसपरवसेणं सव्वं पत्तम्मि पक्खित्तं ।१२। 'अजं चेव कयत्थो जाओ हं' भाविऊण तत्थेव । उवविठ्ठो ठाणम्मिं पुरओ थालं विहेऊण ।।१३।
१. ला० 'ताययाण ॥ २. सं० वा० सु० ओ देसिओ देसियालिए ॥ ३. ला० समाहूओ ॥ ४. सं० वा० सु० "स्सय र ।। ५. ला० "गं च पसू ॥ ६. ला० पिइमई ॥ ७. सं० वा० सु० सहिराइं ॥ ८. ला० ववित्थारो ॥ ९. ला० °ओ य महा ॥ १०. ला० जए त ॥ ११. ला० जोगियसा ॥ १२. सं० वा० सु० पइंपमा' |
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |