Page Text
________________
२१४
सविवरण मूलशुद्धि प्रकरण चतुर्थ स्थानके तो पसायं काऊण पंसह एयं' । तओ राइणा भणिया रायदोवारिया 'भो ! किमयमेवंविहं लिहियं विक्कमराएण ?, किमम्हाण तस्स य अत्थि कोइ विसेसो ? जओ अम्ह रज पि तस्स नियरजं चेव किं पुण देवदत्ता ?, परमिच्छउ सा । तओ वाहरावेऊण भणिया देवदत्ता राइणा "भद्दे ! पुव्वं तए विण्णत्तमासि ‘मूलदेवं मोत्तूण न अण्णो पुरिसो ममाऽऽणवेयव्वो' ता ऐस सो मूलदेवो देवयाए पसाएणं महानरेंदो जाओ, इमे य तेण तुज्झाऽऽणयणत्थं पेसिया पहाणपुरिसा, ता गम्मउ तस्सयासं जइ तुज्झ पडिहाई" । तीए भणियं ‘महापसाओ, [?पुण्णो य] तुम्हाऽणुण्णाए मणोरहो एस अम्हाणं' । तओ महाविश्वेण पूइऊण पेसिया एसा । पत्ता य तत्थ । तेण वि पवेसिया महाविभूईए । जायं च परोप्परमेगरज । एवं च अच्छए मूलदेवो सह देवदत्ताए उदारं विसयसुहमणुहवंतो जिणभवणबिंबपूर्यातप्परो त्ति ।
___ इयो य सो अयलो पारसउले विढवियबहुदव्वो परं च भंडं भरेऊण आगओ बेण्णायडं । आवासिओ बाहिं । पुच्छिओ लोगो ‘किमभिहाणो एत्थ राया ?' । कहियं च लोगेहिं 'विक्रमराउ' त्ति। तओ मणि-मोत्तिय-विट्ठमाण थालं भरेऊण गओ राइणो पेक्खगो । दवावियमासणं राइणा । निसण्णो य । 'अव्वो! कत्थ एंस सो अयलो?' त्ति पच्चभिण्णाओ राइणा । ण णाओ एएण राया । तओ पुच्छियं राइणा 'कुओ सेट्ठी आगओ ?' । तेण भणियं पारसउलाओ । सम्माणिएण य जहोचियपडिवत्तीए भणियमयलेण 'देव ! पेसह कोई उवरिगो जो भंडं णिरूवेई' ।
तओ राइणा भणिओ ‘पवहणकोउगेणाहं सयमेवाऽऽगमेस्सामि' त्ति । अयलेण भणियं 'देव ! पसाओ'। तओ पंचउलसमण्णिओ गओ राया । दंसियं पवहणेसु संख-फोप्फल-चंदणा
गुरु-मंजिट्ठाइयं भंडं । पुच्छियं पंचउलसमक्खं राइणा 'भो सेट्ठि ! इत्तियं चैव भंडं ?'। तेण भणियं 'इत्तियं चेव' । राइणा भणियं 'भो ! सम्मं साहेजसु जओ मम रज्जे सुंकचोरियाए सारीरो निग्गहो' । अयलेण भणियं 'किं देवस्स वि अन्नहा निवेइज्जई' । रण्णा भणियं 'जइ एवं तो करेह सिट्ठस्स अद्धदाणं, परं तोलेह मम समक्खं चोल्लगाई' । तोलियाई पंचउलेण । तओ भारेण पायप्पहारेणु धरावेहेण य लक्खियं मंजिट्ठाइमज्झगयं सौरभंडं । तओ उक्किल्लावियाई चोल्लगाई निरूवियाई सम्मं जाव दिलु कत्थइ सुवण्णं कत्थइ रुप्पं कत्थई मणि
१. ला० पेसेह ॥ २. ला० या दोवा' ॥ ३. ला० मेयं(वं) लिहि ॥ ४. ला० 'वं वजिय न ॥ ५. सं० वा० सु० एसो मू ॥ ६. ला० याकरणे तप्प ।। ७. सं० वा० सु० परवं (वरं) भंडं ॥ ८. सं० वा० सु० 'मसेणो त्ति ।। ९. ला० "वियं रायणा आसणं । नि ॥ १०. ला० एसो अयः ॥ ११. ला० 'ण जहो' ।। १२. ला. कोवि उ ॥ १३. ला. 'स्सामि । अय' ॥ १४. ला० यं वह ॥ १५. सं० वा० सु० 'ख-पोफल' ।। १६. ला० व इमं ? तेण ॥ १७. सं० वा० सु० यं देव ! ।। १८. ला. 'ह सेट्ठिस्स ॥ १९. सं० वा० सु० ई । संतोलि ॥ २०. ला० 'ट्ठाए मज्झ ॥ २१. ला० सारं भं ॥ २२. सं० वा० सु० उखेल्ला ॥ २३. सं० वा. सु० 'इ जाव ।। २४-२६. सं० वा० सु० कत्थय ।
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |