Page Text
________________
मूलदेवकथानकम्
२१३ एस मंहाणुभावो असेसकलापारगो देवयाहिट्ठियसरीरो विक्कमराओ णाम राया, ता एयस्स सासणे जो ण वट्टइ तस्स णाऽहं खमामि' त्ति । तओ सव्वो सामंत-मंति-पुरोहियाइओ परियणो आणाविहेओ जाओ। चिट्ठइ य उदारविसयसुहमणुहवंतो । आढत्तो उजेणिसामिणा जियसत्तुराइणा सह संववहारो, जाव जायापरोप्परं निरंतरा पीई ।
इओ य देवदत्ता तारिसं विडंबणं मूलदेवस्स पेच्छिय विरत्ता अईव अयलोवरि । तओ निब्भच्छिओ अयलो 'भो ! अहं वेसा, न उण तुहे कुलपरिणी, तहा वि मम गेहत्थो एवंविहं ववहरसि, ता मम कारणेणं न पुणो वि खिज्जियव्वं' । ति भणिय गया राइणो संगासे । चरणेसु णिवडिऊण विण्णत्तो तीए राया 'देव ! तेण वरेण किंजउ पसाओ । राइणा भणियं 'भण जं वो पडिहाई' । तीए भणियं ‘जइ एवं ता मूलदेवं वज्जिय नऽण्णो पुरिसो ममाऽऽणवेयव्वो, एसो य अयलो मम घरागमणे णिवारेयव्वो' । राइणा भणियं ‘एवं, जहा तुह रोयेइ, परं कहेहि को एस वुत्तंतो ?' । तओ कहिओ माहवीए । रुट्ठो राया अयलोवरि 'भो ! मम एईए नगरीए एयाइं दोण्णि रयणाई ताई पि खलीकरेइ एसो' । तओ हक्कारिय अंबाडिओ भणिओ रे ! तुम इत्थ राया जेणेवं ववहरसि ?, ता निरूवेहि संपयं सरणं, करेमि तुह पाणविणासं'। देवदत्ताए भणियं 'सामि ! किमेइणा सुणहप्पारण पडिखद्धेण ?' । राइणा भणियं रे ! छुट्टो ताव संपयं एईए महाणुभावाए वयणेणं, सुद्धी उण ते तेणेव मूलदेवेण इहाऽऽणिएणं भविस्सई' । तओ चरणेसु निवडिऊण निग्गओ रायउलाओ। आढत्तो गवेसिउं दिसोदिसिं । तओ जाव न लद्धो ताव तीए चेव ऊणिमाए भरेऊण भंडस्स वहणाई गओ पारसकुलं ।
___इओ य मूलदेवेण चिंतियं, 'किमेइणा सुंदरेणावि रजेण पियादेवदत्ताविरहिएण ?, जओ भणियं
भुजउ जं वा तं वा, निवसेजउ पट्टणे अरण्णे वा ।
इटेण जत्थ जोगो तं चिय रजं, किमण्णेण? ।।२९८।। - इट्ठा य मे देवदत्ता' । तओ पेसिओ लेहो कोसल्लियाइं च देवदत्ताए, राइणो य । भणिओ य राया ‘मम एईए देवदत्ताए उवरि महंतो पडिबंधो, ता जइ एवं एईए अभिरुइयं तुम्ह य पडिहाइ
१. ला० तो य उ ॥ २. ला० णा सह ॥ ३. सं० वा० सु० 'या निरंतरा परोप्परं पीई ॥ ४. सं० वा० सु० 'ओ-भो ।। ५. ला० ‘ह घरिणी ॥ ६. ला० महगे । ७. सं० वा० सु० एवं ववह' ।। ८. ला० णं ण खिजि ॥ ९. ला० "णियं गया ॥ १०. ला० सयासं । चलणेसु ॥ ११. ला० कीरउ ॥ १२. सं० वा० सु० वं जं तुह, ॥ १३. ला. 'यए प ॥ १४. ला० सुणयप्पा ॥ १५. ला० चलणे ॥ १६. सं० वा० सु० 'डप्पवह। १७. ला० "सउलं ।। १८. ला० तो जइ एईए॥ १९. ला० म्ह पडि ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |