Page Text
________________
२०६
सविवरण मूलशुद्धि प्रकरण चतुर्थ स्थानके तहा अत्थो वि असारो ने य तम्मि वियक्खणाण बहुमाणो, अवि य गुणेसु चेवाऽणुरागो हवइ त्ति । जओ
वाया सहस्समइया, सिणेहणिज्झाइयं सयसहस्सं ।
सब्भावो सज्जणमाणुसस्स कोडिं विसेसेइ ।।२८७।। ता सव्वहा पडिवज्जसु मम पत्थणं' ति । तओ पडिवण्णमणेण । जाओ तेसिं णिब्भरो णेहसंबंधो।
एवं जाव विसिट्ठविणोएण चिट्ठति ताव 'पेच्छणयवेला वट्टई' त्ति काऊणाऽऽगओ तीए हक्कारणत्थं रायपडिहारो । गया य पच्छण्णवेसधारिणं मूलदेवं घेतूण । आढत्ता नच्चिउं । वाइओ मूलदेवेण पडहो । अक्खित्तो राया ससामंतो पाडलिपुत्तनयरसामिपेसियरायदोवारियविमलसीहो य । तुटेण य राइणा दिण्णो से वरो । नासीकओ य । पुणो तीए गाइयं मूलदेवसहियाए मणोहरयं, तयणुलगं च नच्चियं दुवइखंडं । तओ अच्वंतं तुट्टेण राइणा दिण्णमंगलग्गमाभरणं । विमलसीहेण भणियं 'भो महाराय ! पाडलिउत्ते मूलदेवस्स परं एरिसो विण्णाणाइसओ एईए य, नत्थि अन्नस्स तइयस्स, ता अम्हाऽणुमएणं देजउ एईए मूलदेवाणंतरविण्णाणपडागा नट्टिणीपट्टो य' । दिण्णं च तं राइणा । तओ देवदत्ताए चरणेसु निवडेऊण भणिओ राया 'देव ! महापसाओ, परमणुक्कमो एस जं पढमो लाभो उवज्झायस्स भवइ, उवज्झाओ य एस अम्हाणं, संपयं देवो पमाणं' । राइणा भणियं भो महाणुभाव ! अणुमण्णीयउ एयमेईए' । मूलदेवेण भणियं 'जं देवो आणवेई' । तीए भणियं 'सामि ! महापसाओ'ति ।
___ इत्थंतरम्मि वाइया वीणा मूलदेवेण । कओ सव्वो वि पराहीणमाणसो रंगो । तओ जंपियं विमलसीहेण 'महाराय ! पच्छण्णरूवी मूलदेवो खु एसो, ण अण्णस्स एरिसं विण्णाणं, न वा एरिसस्स विण्णाणस्स अण्णो उवज्झाओ, रायाएसेण य भमिया मए पुहई, न एत्थ तइयं रयणं दिढं ति, ता धण्णो तुम जस्सेरिसरयणसंगहो'। तओ राइणा भणिओ मूलदेवो 'भो महाणुभाव ! महंतमम्हाण कोउगं ता जइ सच्चमेयं ता अम्होवरोहेण पयडेसु अत्ताणयं' । तओ सहासमवणीया गुलिया । ससंभमं उठ्ठिऊण परिरि(र)द्धो विमलसीहेण । निवडिओ य एसो रायचरणेसु । पूइओ संगोरवं तेणं । एवं च अच्चंताणुरत्ता तम्मि देवदत्ता चिट्ठए विसयसुहमणुहवंती ।
१. सं० वा० सु० न तम्मि ॥ २. सं० वा० सु० मद्विया ॥ ३. ला० "णिजाइयं ॥ ४. ला० तेसिं नेहनिमरो संबं॥ ५. सं० वा० सु० 'यरिसा॥ ६. लाचलणे ॥ ७. ला० ढमलाभो ॥ ८. ला० ऑ। एत्थं ॥ ९. ला० तईयं ॥ १०. सं० वा० सु० परिसत्तो ॥ ११. ला. 'चलणे ॥ १२. ला० सगउरवं ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |