Page Text
________________
कालकाचार्यकथानकम्
१८१
पुंजाविओ। एवं च भरिओव्विरेयणं कुणंतस्स सेसीहूओ पत्थओ । तओ पुच्छिओ गुरूहिं जहा 'बुज्झियं किंचि ?' । तेण भणियं ‘ण किंचि' । गुरूहि भणियं “जहेस वालुयापत्थओ पडिपुण्णो तहा सुहम्मसामिस्स पडिपुण्णं सुयनाणं साइसयं च, तयविक्खाए जंबूसामिस्स किंचूणं अप्पाइसयं च, तत्तो वि पभवस्स अप्पतरमप्पतराइसयं च जओ छट्ठाणगया ते वि भगवंतो सुव्वंति । एवं च कमसो हीयमाणं हीयमाणं जाव मह सयासाओ तुह गुरुणो अइहीणं, तस्स वि सयासाओ तुह हीणतरं ति । किंच पाएण पणट्ठाइसयं अप्पं च दूसमाणुभावाओ सुयं, ता मा एवंविहेण वि सुएण गव्वं उव्वहसु । भणियं च
आसव्वण्णुमयाओ तरतमजोगेण हुंति मइविभवा ।
मा वहउ को वि गव्वं 'अहमेक्को पंडिओ एत्थ' ।।२२६ ।। इय अच्छेरयचरिओ गामा-ऽऽगर-नगरमंडियं वसुहं ।आणावडिच्छबहुसिस्सपरिवुडोविहरई भगवं९९ अहअण्णयासुरिंदोभासुरबुंदीपलंबवणमालो । हार-ऽद्धहार-तिसरय-पालंबोच्छइयवच्छयलो।१००। वरकडय-तुडियथंभियभुयाजुगो कुंडलुल्लिहियगंडो । वरयररयणकरुक्कडकिरीडरेहंतसिरभागो।१०१। किं बहुणा ? सिंगारियसयलंगो विमलवत्थपरिहाणो । सोधम्मसुरसभाए तिण्हं परिसाण मज्झम्मि १०२ सत्तण्हं अणियाणं अणियाहिवईण तह य सत्तण्हं । तायत्तीसयअंगाभिरक्खसामाणियसुराणं ।।१०३।। सोहम्मनिवासीणं अण्णसिं लोगपालमाईण । सुरदेवीणं मज्झे सक्को सीहासणवरम्मि ।।१०४।। उवविठ्ठो ललमाणो वरिट्ठतियसाहिवत्तरिद्धीए । आलोइय(?यइ) लोगद्धं विउलेणं ओहिणाणेणं।१०५। तो पेच्छइ सीमंधरसामिजिणं समवसरणमज्झत्थं । कुणमाणं धम्मकहं पुव्वविदेहम्मि परिसाए ।१०६। उट्टित्तु तओ सहसा तत्थ ठिओ चेव वंदई भगवं । सुरणायगरिद्धीए तओ गओ सामिमूलम्मि ।।१०७।। वंदित्तु सए ठाणे उवविसिउंजा सुणेइ जिणवयणं । ता पत्थावेण जिणो साहइ जीवे निगोयखे ।।१०८। तं सोऊण सुरिंदो विम्हयउप्फुल्ललोयणो एवं । सिरकयकयंजलिउडो जंपइ परमेण विणएणं ।।१०९।। 'भगवं!भारहवासे इय सुहुमनिगोयवण्णणं काउं । किंमुणइ कोइ संपइ निरइसये दूसमाकाले?'।११०।
तो भणइ जिणो ‘सुरवइ ! कालगसूरी णिगोयवक्खाणं ।
भरहम्मि मुणइ अज वि जह वक्खायं मए तुम्ह' ॥१११॥ तं सोउं वज्जहरो कोऊहल्लेण इत्थ आगंतुं । काउं बंभणरूवं वंदेत्ता पुच्छई सूरिं ।।११२ ।। 'भगवं! णिगोयजीवा पण्णत्ताजे जिणेहिं समयम्मि । ते वक्खाणह मज्झं अईव कोऊहलं जम्हा'।११३।
१. ला० "लुल्लहि' ।। २. सं० वा० सु० वररयणकरुक्कुरडक्किरीड' ।। ३. ला० ण्णेसि वि लो ॥ ४. ला० ता ॥ ५. ला० को वि ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |