Page Text
________________
१७५
कालकाचार्यकथानकम् एवमायरंताणं तुम्हाणं भवेस्सइ अचिरेणेव निव्वाणं ति ।
इय सूरिवयणमायण्णिऊण संजायचरणपरिणामो । सो बलभाणू कुमरो रोमंचोच्चइयसव्वंगो॥७०॥ करकोरयं विहेउं सिरम्मि अह भणइ एरिसं वयणं । 'संसारचारगाओ णित्थारहि णाह! मं दुहियं ॥७१॥ भवभयभीयस्स महं उत्तमणरसेविया इमा सामि ! । दिजउ जिणेददिक्खा जइ जोग्गो मा चिरावेह' ॥७२॥
___इय कुमरणिच्छयं जाणिऊण सूरीहिँ तक्खणं चेव ।
आपुच्छिऊण सयणे विहिणा अह दिक्खिओ एसो॥७३॥ रायाई परिसा वि य नमिउं सूरिंगया नियं ठाणं । मुणिणो विणिययसद्धम्मकम्मकरणोज्जया जाया॥७४॥ एवं चिय पइदियहं मुणिवइपयपंकयं णमंतेते । णरणाहे दणं भत्तिब्भरणिब्भरे धणियं ॥७५॥ सव्वो विणगरलोगोजाओ जिणधम्मभाविओअहियं । सच्चमिणं आहाणं जहराया तह पया होई'।७६
__ तं च तारिसं पुरक्खोहमवलोइऊण अवंतदूमियचित्तेणं रायपुरओ सूरिसमक्खं चेव भणियं राय-पुरोहिएण जहा 'देव ! किमेएहिं पासंडिएहिं तईबज्झायरणणिरएहिं असुइएहिं ?' ति । एवं च वयंतो सो सूरिहिं अणेगोववत्तीहिं जाहे णिरुत्तरो कओ ताहे धुत्तिमाए अणुलोमवयणेहिं राइणो विप्परिणामेइ । अवि य'एए महातवस्सी नीसेसगुणालया महासत्ता । सुर-असुर-मणुयमहिया गोरव्वा तिहुयणस्सावि ।।७७।। ता देव ! जेण एए पहेण गच्छंति तेण तुम्हाणं । जुत्तं न होइ गमणं अक्कमणं तप्पयाण जओ ।।७८।। गुरुपयअक्कमणेणं महई आसायणाजओ होइ । दुग्गइकारणभूया अओ विसजेह पहु! गुरुणो' ।।७९।
तओ विप्परिणयचित्तेहिं भणियं राईहिं 'सच्चमेयं, परं कहं विसजिजंति ?' । तओ पुरोहिएण भणियं देव ! कीरउ सव्वत्थ णगरे अणेसणा, तीए य कयाए असुझंते भत्त-पाणे सयमेव विहरिस्संति' । तओ राईहिं भणियं ‘एवं करेहि' । तओ परूवियं सव्वत्थ णगरे पुरोहिएणं जहा ‘एवं एवं च आहाकम्माइणा पयारेण साहूण देजमाणं महाफलं भवई' ।
तओ लोगो तहेव काउमारद्धो । तं च तारिसमउव्वकरणं दद्दूण साहियं साहूहिँ गुरूणं । ते वि सम्मं वियाणेऊण रायाभिप्पायं अपज्जोसविए चेव गया मरहट्ठयविसयालंकारभूयं पइट्ठाणं णाम णगरं । तत्थ य सूरीहिं जाणावियं जहा 'न ताव पज्जोसवेयव्वं जाव वयं णागया' । तत्थ उण परमसावगो सायवाहणो णाम राया । सो य सूरिणो समागच्छंते णाऊण जलयागमुक्कंठियसिहि व्व हरिसणिब्भरो जाओ । कमेण य समागया तत्थ सूरिणो । तओ साइवाहणराया सूरिं समागयं
१. सं० वा० सु० अचिरेण नि ॥ २. सं० वा० सु० पयदि ।। ३. ला० अच्चंतं दू ॥ ४. सं० वा. सु० रायाणो ॥ ५. ला० हवइ ।। ६. सं० वा० सु० जिस्संति ।। ७. ला० च अहोक' ।। ८. सं० वा० सु० ण देजमाणं साहूण म॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |