Page Text
________________
सविवरण मूलशुद्धि प्रकरण तृतीय स्थानके
1
तस्स वि वंसं उप्पाडिऊण जाओ पुणो वि सगराया । उज्जेणिपुरवरीए पयपंकयपणयसामंतो ।। ६२ ।। पणतीसे वाससए विक्कमसंवच्छेराओ वोलीणे । परिवत्तिऊण ठविओ जेणं संवच्छरो णियगो । । ६३ । सगकालजाणणत्थं एयं पासंगियं समक्खायं । मूलकहासंबद्धं पमयं चिय भण्णए इण्हिं ।। ६४ ।। कालयसूरीहि तओ सा भगिणी संजमे पुणो ठविया । आलोइयपडिकंतो सूरी वि सेयं गणं वहइ ॥६५॥
१७४
इओ य अत्थि भरुयच्छं णामं णगरं । तत्थ य कालयसूरिभाइणेज्जा बलमेत्त - भाणुमेत्ता भायरो राय - जुवरायाणो । तेसिं च भगिणी भाणुसिरी । तीसे पुत्तो बलभाणू णाम कुमारो । तओ हिं बलमित्तभाणुमित्तेहिं परकूलाओ समागए सूरिणो सोऊण पेसिओ मइसागरो णाम णियमहंतओ उज्जे| तेण तत्थ गंतू सगराइणो महाणिब्बंधेण विसज्जावेऊण वंदिऊण य विण्णत्ता सूरिणो, अवि य— 'बलमेत्त - भाणुमेत्ता भयवं ! भूलुलियभाल - कर- जाणू । भत्तिभरनिब्भरंगा तुहपयकमलं पणिवयंति ॥ ६६ ॥ करकमलमउलमउलं मोलिम्मि ठवित्तु विण्णवंति जहा । तु विरहतरणिखरकिरणणियरपसरेण सयराहं ॥ ६७ ॥
संतावियाइँ धणियं जओ सरीराइँ अम्ह ता सामि ! । नियदंसणमेहोब्भवदेसणणीरेण निव्ववसु ।। ६८ ।। किं बहुणा ?, करुणारससमुद्द ! अम्हाणमुवरि कारुण्णं । काऊणं पावहरं वंदावसु निययपयकमलं' ।६९। ओकालयसूरिणो सगरण्णो सरूवं साहिऊण गया । भरुयच्छे । पवेसिया य महया विच्छड्डेणं । वंदिया भावसारं बलमेत्त - भाणुमेत्त - भाणुसिरि-बलभाणूहिं । समाढत्ता भगव भवणिव्वेयजणणी धम्मदेसणा, अवि य
1
तुसरासि व्व असारो संसारो, विज्जुलयाओ व चंचलाओ कमलाओ, उप्पहगामुयवोलावणयसामण्णं तारुण्णं, दारुणदृहदाइरोगा भोगोवभोगा, माणस-सारीरियखेयनिबंधणं धणं, महासोगाइरेगा इट्ठजणसंपओगा, णिरंतपेरिसडणसीलाणि आउयदलाणि । ता एवं ठिए भो भव्वा ! लद्धूण कुलाइजुत्तं ! माणुसत्तं निद्दलेयव्वो पमाओ, कायव्वो सव्वसंगचाओ, वंदणीया देवाहिदेवा, कायव्वा सुगुरुचलणसेवा, दायव्वं सुपत्तेसु दाणं, ण कायव्वं णियाणं, अणुगुणेयव्वो पंचणमोक्कारो, कायव्वो जिणाययणेसु पूयासक्कारो, भावियव्वाओ दुवालस भावणाओ, रक्खेयव्वाओ पवयणोहावणाओ, दायव्वा सुगुरुपुरओ णियदुच्चरियालोयणा, कायव्वा सव्वसत्तखामणा, पडिवज्जेयव्वं पायच्छित्तं, न धारियव्वमसुहचित्तं, अणुट्ठियव्वाणि जहासत्तीए तवच्चरणाणि, दमियव्वाणि र्दुद्दंताणि इंदियाणि, झाएयव्वं सुहज्झाणं वोच्छेज्जए जेण संसारसंताणं । किं बहुणा ?, १. ला० 'च्छरस्स वो' ॥ २. ला० सगं ॥। ३. सं० वा० सु० भायेण ॥ ४. ला० ण्णविंति ॥ ५. ला० "या यभा ॥ ६. सं० र्वा० सु० पस्सेडण ॥ ७ ला० मणुयत्तं ॥ ८. सं० वा० सु० वंदेयव्वा दे° ॥ ९. ला० 'चरण' ॥ १०. ला० दुद्दंतकरणाणि, झा ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |