Page Text
________________
कालकाचार्यकथानकम्
१७१ केणइ कारणेण अम्होरि रूसेऊण पेसिया एसा छुरिया, एईए यऽप्पा अम्हेहिं घाइयव्वो, 'उग्गदंडो'त्ति काऊण ण तव्वयणे वियारणा कायव्वा'। सूरिणा भणियं 'किं तुझं चेव रुट्ठो उयाह अण्णस्स वि कस्सइ ?' । साहिणा भणियं 'मम वज्जियाणमण्णेसि पि पंचाणउईरायाणं, जओ दीसइ छण्णउइमो इमीए सत्थियाए अंको' त्ति । सूरिणा जंपियं ‘जइ एवं ता मा अप्पाणं विणासेहि' । तेण भणियं 'न पहुणा रुटेण कुलक्खयमंतरेण छुट्टेज्जइ, मए उण मए ण सेसकुलक्खओ होई' । सूरिणा भणियं 'जइ एवं तहा वि वाहरसु णियदूयपेसणेणं पंचाणउई पि रायाणो जेण हिंदुगदेसं वच्चामो'। तओ तेण पुच्छिओ दूओ जहा 'भद्द ! के ते अण्णे पंचाणउई रायाणो जेसिं कुविओ देवो?'। तेण वि सव्वे णिवेइया ।
तओ दूयं विसज्जिऊण सव्वेसि पि पेसिया पत्तेयं णियदूया जहा 'समागच्छह मम समीवे, मा नियजीवियाइं परिच्चयह, अहं सव्वत्थ भलिस्सामि' । तओ ते दुपरिच्चयणीयत्तणओ पाणाणं सव्वं सामग्गिं काऊण आगया झडि त्ति तस्म ग्गीवे। ते य समागए दळूण तेण पुच्छिया सूरिणो 'भगवं! किमम्हेहिं संपयं कायव्वं ?' । सूरीहिं भणियं 'सबल-वाहणा उत्तरेऊण सिंधुं वच्चह हिंदुगदेसं' । तओ समारुहिऊण जाणवत्तेसु समागया सुरट्ठविसए । इत्थंतरम्मि समागओ पाउससमयो । तओ 'दुग्गमा मग्ग'त्ति काउं सुरट्ठविसयं छन्नउइविभागेहिं विभज्जिऊण ट्ठिया तत्थेव।
एत्यंतरम्मिय महाराओ व्व रेहिरपुंडरीओ, गरुयसमरारंभसमओ व्व उल्ललंतबहुगोवो, पढमपाउसो व्व दीसंतसियबलाहओ, मुणिवइ व्व रायहंससंसेविओ, पहाणपासाओ व्व सच्चवेजंतमत्तवारणो समागओ सरयकालो । जत्थ य सुयणजणचित्तवित्तीओ व सच्छाओ महानईओ, सुकविवाणीओ व निम्मलाओ दिसाओ, परमजोगिसरीरं व नीरयं गयणंगणं, मुणिणो व्व सुमणोभिरामा सत्तच्छयतरुणो वरथवइनिम्मियदेवउलपंतीओ व सुताराओ रयणीओ त्ति । अवि यनिप्फण्णसव्वसासा जत्थ मही अहियरेहिरा जाया । ढिक्कंति दरियवसहा पमुइयगोविंदमज्झगया।३२। पीऊसपूरसरिसा ससहरकिरणावली तमिस्सासु । पव्वालेइ असेसं अहियं भुवणोयरं जत्थ ।।३३।। सालिवणरक्खणोज्जयपामरिगिजंतमहुरगीएहिं । पडिबझंता पहिया पंथाओ जत्थ भस्संति ।।३४।। इय बहुजियतोसयरे पत्ते सरयम्मि नवरि विद्दाणो । झत्ति रहंगो भवचित्तरूवसंसाहणत्थं व ।।३५ ।।
एवंविहं च सरयकालसिरिमवलोइऊण णियसमीहियसिद्धिकामेण भणिया ते कालयसूरिणा जहा 'भो किमेवं णिरुज्जमा चिट्ठह ?' । तेहिं भणियं आइसह किं पुण करेमो ?' । सूरिणा भणियं 'गेण्हह
१. ला० वरि रू' ॥ २. ला० तुज्झ ॥ ३. 'तेण भणियं' इति पाठ: ला० प्रतेरेवोपलब्धः ॥ ४. ला० मए पुसू मएण सेसकुलस्स रवेमं भवइ । ण ॥ ५. सं० वा० सु० हिंडग ॥ ६. सं० वा० सु० ते पंचा' ॥ ७. सं० वा० सु० सव्वसा' ।। ८. सं० वा० सु० या छड त्ति। ९. ला० समीवं ॥ १०. ला० यगोवंद ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |