Page Text
________________
१४४
सविवरण मूलशुद्धि प्रकरण द्वितीय स्थानके जइ नरवइणा सद्धिं अहयं भुंजामि एगथालम्मि' । तो भणइ णिवो चेकृसु वीसत्था, पूरिमो एयं' ।८१।
तओ बीयदिणे भोयणोवविठ्ठो पंभणिओ तीए राया एगत्थभोयणं । तेण वि जाव तं तहेव पडिवन्नं। तओ णिवारिओ चाणक्केण जहा ‘मा देहि महुरयभाविओ एस सव्वो वि तुज्झ संतिओ आहारो' । तओ दिणे दिणे मग्गंतीए वि चाणक्कभएणं न देइ राया । अण्णदिणम्मि य अणागच्छंते चाणक्के मग्गिओ एगकवलं । दिण्णो य तेण । तओ जाव तं मुहगयमासाएइ ताव पत्तो चाणक्को। दिट्ठा य पलिसायंती । 'अहो ! अकजं, अहो ! अकजंति भणमाणेण छुरियं गहाय पोट्टे फालेऊण कड्डिओ दारगो । घयाइमझे य धरिऊण पूरियाणि अपुण्णदिणाणि । जणणीए तं कवलं पलिसायंतीए पडिओ तस्स उत्तमंगे एगो बिंदू, तेण तस्स बिंदुसारो चेव णामं कयं । वडिओ देहोवचएण कलाकलावेण य । उवरए य पियरम्मि सो चेव राया जाओ। भणिओ य धावीए जहा 'पुत्त ! सम्मं चाणक्कस्स वट्टेज्जसु' । सो वि तहेव वट्टइ ।
___ अण्णया य एगंतसंठिओ भणिओ गंदसंतिएण सुबंधुणा सचिवेण जहा 'देव ! जइ वि अम्हाणमुवरितुब्भे अप्पसाया तहा वि जमेयस्स पट्टस्स हियं तमम्हेहिं विण्णवेयव्वं, तत्थ जो एस चाणक्कमंती सो अईवखुद्दो, जओ एएण देवस्स जणणी आरडंती पोट्टे फालेऊण मारिया, ता तुब्भे वि पयत्तेण अप्पाणं रक्खेजह' । तओ राइणा पुच्छिया अंबधाई जहा 'अंब ! किमेयं सच्चं जं मह जणणी चाणक्केण विणासिया ?'। तीए भणियं 'पुत्त ! सच्चति । तओ कुविओ चाणक्कस्सोवरि राया । आगच्छंतं दद्दूण ठिओ ज्झत्ति परम्मुहो । इयरो वि पिसुणप्पवेसं णाऊण तओ चेव णियत्तेऊण गओ नियगेहं । तत्थ दव्वं सयणवणं च जहोचियं निजोजिऊण एगत्थोवरगे मंजूसामज्झे गंधसमुग्णयं सपत्तयं छोढूण तालयाणि दाऊण णिग्गओ णयराओ । अणसणं गहाय ठिओ कारीसमज्झे इंगिणिमरणेण ।
इओ य अम्मधाईए भणिओ राया पुत्त ! दुट्ठ कयं जममच्चो परिभूओ, जओ एयसंतियं ते रज पाणा य' । त्ति भणिऊण साहिओ सव्वो वि पुव्वो वइयरो । 'ता खामित्ता सिग्घमाणेहि' । तमाइण्णेऊण राया वि गओ सपरियणो चाणक्कसमीवं । खामेत्ता य भणइ ‘एह पसायं काऊण घरं वच्चामो' । चाणक्केण भणियं 'सव्वं परिचत्तं मए, जओ पडिवण्णमणसणं' । तओ निच्छयं णाऊण खामेत्ता वंदित्ता य गओ बिंदुसारो णिययगेहं । सुबंधुणा वि‘जइ कह वि णियत्तइ ता ममं णिक्कंदं उप्पाडेई' त्ति चिंतिऊण विण्णत्तो राया जहा देव ! चाणक्कस्स संपयं समसत्तु-मित्तभावस्स देवाणुमएण पूयं करेमि ?' । राइणा वि एवं करेह' त्ति भणिए मायाए पूयं काऊण धूवमुप्पाडेऊण वियालवेलाए कारीसमझे इंगालं छोढूण गओ नियगेहे । इयरो वि तेण जलणेण डझंतो सम्मं सहइ । अवि य
१. ला० पणइओ ॥ २. सं० वा० सु० झेण धरे' ।। ३. ला० °ए य तं ॥ ४. सं० वा० सु० “माणेह ॥ ५. सं० वा० सु० मम ॥ ६. ला० 'डेय त्ति ॥ ७. सं० वा० सु० गालमं(गं)छो ॥
| SR No. | 022286 |
| Book Title | Mulshuddhi Prakaranam Part 01 |
| Original Sutra Author | N/A |
| Author | Dharmdhurandharsuri, Amrutlal Bhojak |
| Publisher | Shrutnidhi |
| Publication Year | 2002 |
| Total Pages | 326 |
| Language | Sanskrit |
| Classification | Book_Devnagari |
| File Size | 26 MB |